]]>
خواطر :
اسقيني كاس من رحيق ذكرى وجودك ... لا تتركيه يجف ،كلما جف الكأس ازداد الحنينُ...و لا يطفي شعلة الفؤاد سوى كأس الحنين...   (بلقسام حمدان العربي الإدريسي) . 

شعر شعبي عراقي الى حسون مع التحية

بواسطة: باقر العقابي  |  بتاريخ: 2013-09-22 ، الوقت: 02:33:54
  • تقييم المقالة:

 

الى حسون مع التحية

وك حسون

سويت الهوايل فدوه الك يرحون

ماخذهه البطولة كلهم يشوفون

تعبت اهواي انت الناس ميرحمون

كل هذا عليك اشكثر بس يحجون

وك حسون

مشكور اني اكلك كلش وممنون

وك حسون

رديت الهوايش والسلف مامون

تصالح كلشي حتى الفار والبزون

ماظل كل حرامي اشحدهم يبوكون

الاقفال انلغت وتفتحت السجون

وك حسون

مشكور اني اكلك كلش وممنون

وك حسون

سلفنه ضاوي واهله اشموع مايشرون

الكاع ارتوت والوادم يغسلون

بموبايل حجينه كله بالاي فون

يطول عمرك النه ندعي ياحسون

وك حسون

مشكور اني اكلك كلش وممنون

وك حسون

الحصة انست ياهمه اليذكرون

لابعد استلام ولا اكو يوزعون

النريده يجينه بغير ميتعبون

مابي كل نقص وبينه يتوصون

وك حسون

مشكور اني اكلك كلش وممنون

وك حسون

بطلنة الحزن ماعدنه اليبجون

ولا بالجملة نسمع منه اليموتون

التفخيخ بس بالصين اليفجرون

خطية الناس بالنيبال يتهجرون

وك حسون

مشكور اني اكلك كلش وممنون

وك حسون

بس وحدة نفص بلكي اله تنتبهون

حضرتكم فهيمه وكلشي تعرفون

من اسمك تشيل الواو وية النون

وروح ارتاح حسحس غيرك يكملون

لاتلطش ارتاح وغيرك يكملون

وك حس ون

مشكور اني اكلك كلش وممنون

 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق