]]>
خواطر :
سألت البهائم ذئبا دموعه تنهمرُ...ما أبكاك يا ذئب ، أهو العجز أم قلة الحال...في زمن كثرة الذئابُ واشتد فيه الازدحامُ...   (بلقسام حمدان العربي الإدريسي) . 

.. " كل الورد مـ الجنه " ..

بواسطة: عمرو ابراهيم سيد أحمد مليجي  |  بتاريخ: 2013-09-20 ، الوقت: 12:24:51
  • تقييم المقالة:


.. " كل الورد مـ الجنه " ..
..................................

وطول عمري ، ومن صغري
باشوف الورد له رجلين
بيترعرع على عودو
فـ قلب الحاره والبساتين
ومن بدري ، يقوم يصحى
ويسقي الارض عـ الصفين
شعاع صافي تقول دافي
ورغم البرد عـ الخدين
يوزع بسمتو بدري
على اهلو ، على اصحابو
على السكه
على الميادين
وعمره فـ يو ما بيفرق
ما بين راكب وبين ماشيين
دا كل الورد مـ الجنة
يحب الكحل والحنه
ولو منك ، انا عنّك
اشبّهم بحور العين
ومن عمري سنين مرت
تقول خمسه ، تقول عَشره
تقول خمسين
وكل الدنيا بصالي
على وردي
وانا خايف من الحاسدين
بخاف الشوطه تقطفهم
وايد الغدر تخطفهم
واعيش العمر فـ القهره
سنين وسنين
بفكر إنّي احرسهم
وجوه عيوني احبسهم
 مـ انا خايف ، ومش عارف
اخوّن مين
واعيد من تاني تفكيري
 واقول للورد يا طيري
بتوه من كتر تحذيري
واصدق مين
هصدق قلبك الطاهر
واقولك كلمه مـ الآخر
صلاة الصبح تحلالك
وقبل الضهر موالك
وبعد العصر ، مين غيري
تغنيلو ، وتحكيلو
عن اللي اتعلمو قلبك
علوم الدنيا من ربك
وبعد المغرب النادي
تكمل فرضك العادي
مع العاشقين
وطول الليل هنستنه
تروح الصبح للجنه
وتتبنى
جميل العقل والفكره
وندعي ربنا الهادي
يسلم سكتك بكره
وتحيي كل امجادي
مع الحلوين

.............................
.. " عمرو المليجي " ..
مصــــــــر 20/9/2013

 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق