]]>
خواطر :
انساك ! ده كلام ؟... اهو ده اللي مش ممكن ابدا...   (بلقسام حمدان العربي الإدريسي) . 

.. " البذره من كوكب زحل " ..

بواسطة: عمرو ابراهيم سيد أحمد مليجي  |  بتاريخ: 2013-09-19 ، الوقت: 17:08:17
  • تقييم المقالة:


.. " البذره من كوكب زحل " ..
............................................

ما خلاص فهمنا المسألة
فـ أديك خراب المرحلة
كل البجاحة يا بطل
عدت حدود المرجلة
..
صعب ان اصدق كلمتك
وانت اللي زارع بلوتك
والبذرة من كوكب زحل
والمية مالحة بقسوتك
..
ما خلاص فهمنا انك عميل
والسمنة من زيت النخيل
والخل راقد فـ العسل
وكمان تقول انك نبيل
..
صوت الخيانه مش جَسور
ولا ميت رصاصة فـ الصدور
ممكن تخسرنا الامل
بعد اللي علمنا العبور
..
اوعى تفكر فـ الهرب
اهي مره عدت والسبب
ان بخيانتك للمِلل 
جيشنا وشرطه بتنضرب
..
انا من زمان وانا بحتكم
لإله عظيم اسمه الحَكم
علشان يوريك العِلل
وكمان جماعتك تنعَدم
..
من غير إهانة وبهدله
ولا بدله حمرا ومريله
قول بسلامتك للقلل
جيشنا هينهي المهزله

.................................
.. " عمرو المليجي " ..
مصــــــــر 20/9/2013


... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق