]]>
خواطر :
انساك ! ده كلام ؟... اهو ده اللي مش ممكن ابدا...   (بلقسام حمدان العربي الإدريسي) . 

.. " مندوب الفََرَح " ..

بواسطة: عمرو ابراهيم سيد أحمد مليجي  |  بتاريخ: 2013-09-17 ، الوقت: 15:38:08
  • تقييم المقالة:


.. " مندوب الفََرَح " ..
..............................
 
الصبر من صوت السكات
ذي الآهات
قلبو انخلع
والفرحة في حضن الفتات
بعد اللي فات
فيها الطمع
ميكونش مندوب الفرح
لما انجرح
جالو صرع
ولّا قلوب الحزنانين
لو يوم تدور عـ السعادة
فـ المنح
تبقي في عين المرتاحين
خلقت بدع
ولّا ابن عم المحتاجين
لمّا لبسلو كام عبايه
وانفضح
يبقى فـ عين الحاسدين
ضرب الودع
يا ابن العدالة والقدر
انا مش حجر
ساكن سكاتي من زمان
ذي الحصان
وانا مش حجر
وانت اللي فـ اديك اللجام
من غير كلام
فين المطر
سر السعادة مش كتير
عـ اللي انتظر
اوعى تقول .. اصبر تنول
انا اصلي من كتر السكات
قلبي انفطر
اضرب على ادين الوجع
بادين جراءة من حديد
يمكن في يوم
راح يتردع
نفسي اشوف مره الدلع
هنا ، عندنا
ينبت فـ اوضه فـ حينا
يطرح لنا
حبة فرح
ويكون دوانا للوسع
يمكن يكون العمر ضاع
بس الاماني فـ الولاد
ذي الحصاد
هيه الشعاع
والضحكة من قلب السكات
قبل الممات
هيه المتاع
انا هحتميبك يا جدع
لو حتى مارجعش الشبع
بس الفَرَح ..
يرجع مطاع
بس الفَرَح يرجع مطاع

...............................

.. " عمرو المليجي " ..
مصـــــــــر 17/9/2013


 


« المقالة السابقة

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق