]]>
خواطر :
قالوا الصبرُ علاج للآلام... فزادت صبرُ السنين للجراح آلاما...   (بلقسام حمدان العربي الإدريسي) . 

اوبريت ميدان التحرير

بواسطة: ياسر شرف  |  بتاريخ: 2013-09-06 ، الوقت: 18:41:22
  • تقييم المقالة:
اوبريت ميدان التحرير ===========

تتجول الكاميرا فى ميدان التحرير لمتابعة الاعتصامات والمظاهرات للتعرف على نبض الشارع فى الميدان واحصاء عدد الخيام المعتصمة فى الميدان والتعرف على مشاكل ومطالب المعتصمين والمتظاهرين ومتابعة الحدث ورصد الفرحة العارمة التى اصابت الشعب المصرى بالتخلص من حكم الاخوان المسلمين وتنتقل من خيمة لخيمة ومن شخص لاخر لرصد لاتجاهات وتاصيل التاريخ  ومعرفة اراء مختلف الاحزاب السياسية فى صورة زجلية.

 ويقول احد هؤلاء الشباب فى احد الخيام :

خرجت بره الكلية                    وخدت مقلب حرامية

عديت بسرعة على التجنيد          ويوم خروجى كان يوم عيد

وقالوالى لو فاتك الميرى            تلحس ترابه وتدعى لى

ووظيفتى دايما فى القهوة           اقرا فى جرايد واستهوى

وترد فتاة فى نفس الخيمة قائلة :

وقالوا لنا المراة نص الدين          وحقوقنا دايما كده ضايعين

ولا شوفنا حد عليه العين            يعدل ويحكم للجنسين

يحصل تحرش ليل ونهار           ويقولوا ساعدونا يا اشرار

احتارت والله ودليلى اختار         افضل  قطة ولا ارجع فار

وتنتقل الكاميرا الى خيمة اخرى لتسجل مع الشباب ويقول احد الشباب:

عيش حرية عدالة اجتماعية         شعارنا ثورة على الدكتاتورية

عملنا ثورة فى خمسة وعشرين     ونزلنا برده بالملايين

واسقطنا حكم فساد وعميل          وسرقوا الثورة اخوان مسلمين

وقالوا نهضة لكل الجيل              بشرط تبقوا اخوان مسلمين

حماس وتركيا اهل وعشيرة         ومصر دولة فى خلافة كبيرة

وتنتقل الكاميرا لفتاة فى نفس الخيمة وتقول :

قالوا لنا عورة صوت النساء           وهم نزلوا بكل النساء

اطفال شوارع مشروع شهيد            كانوا فى شوارع زى العبيد

حتى الملاجئ جابوا العيال              كدرع بشرى وسابوا الرجال

ويقولوا رابعة سلمى اعتصام           وسلاح يخبوا بدون كلام

تعذيب فى نهضة وتقتيل فى رابعة      وكله سلمى ينزل مرابعة

وتنتقل الكاميرا الى خيمة اخرى ويقول احد الشباب :

صندوق ده دولى قرضه حرام        ولما حكموا قالوا حلال

صكوك مرابحة تبقى حرام             ولما حكموا قالوا حلال

ولو حلايب يبقى حرام                 ولما حكموا قالوا حلال

تفرض ضرايب يبقى حرام            ولما حكموا قالوا حلال   

خمور ملاهى يعنى حرام              ولما حكموا قالوا حلال

وتنتقل الكاميرا الى احدى الفتيات فتقول :

انفاق تهريب بنزين وسولار         لاهل غزة واحنا فى دمار

ومصر دولة ما بين جيران         تبقى فى خلافة ومافيش كلام

وخلال السنة خلوها اخونة         وتقول انما ويقولوا بينما

اقصاء حقيقى للعلمانيين           وعداوة واضحة سياسة ودين

لقضاء وشرطة دايما اعداء          ومثقفين وجيش هم الفرقاء

عايزين يحلوا فى مؤسسات         ويقولوا ايشمعنى احنا بالذات

وتنتقل الكاميرا الى خيمة اخرى ويقول احد الشباب:

زرعوا فى فتنة تقسم شعوب       وشق صف يحرق قلوب

وحرقوا فى كنايس عشان تزيد     زادتنا وحدة هلال صليب

قيادات بتشعل نار الهيب             فى جيش وشرطة وكل ايد

وطلبوا برده استعمار جديد          لامريكا واوربا بدعم وتاييد

وترضى لبلدك بعدوان كبير          وتقول مادام عايزين تغيير

وتنتقل الكاميرا الى قلب الميدان وترى شاعر الثورة يقول:

اول مرة اشوف الثورة                    تطرح فرح وهنا وسرور

30 يونيه قامت الدنيا                      ومصر ولادها هدوا السور

شعب تمرد بعقل تمرد                     ثار فى الحق وولع نور

وبسلمية رفعوا الراية بالمطلوب         اهداف ثورة يعني عدالة للمظلوم

ملايين خرجت وميادين غطت             وحزب الكنبة ساب النوم

وكله بيهتف ويبدى فى  رايه            عيش حرية عدالة اجتماعية

كلوب فى كرسى يخلع مرسى            واهله عشيرته جماعة محظورة

دى مصر كبيرة بحضارة عظيمة        يموت فراعينها وتبقى السيرة

تفضل ولادة بعباقرة زيادة              وتمد الدنيا بدروس وعبادة

منارة الازهر واسلامها الاوسط         من اخر الدنيا بيجيوا لها حصرى

شعبها اخيار وماهوش كفار             مؤمن بالله ورسول الله

ولو قلت الدين كلنا سلفيين             بميزان محسوب وفى قلب وعين

وهلال وصليب عايشين ازمان         اخوان احباب يبنوا الاوطان

الدين لله وعلينا حسيب                 اما الاوطان دى لكل فريق

اعدائنا كتير بره وجوه                  كارهين الخير لوحدة امة

والفتنة دى نار تحرق تختار           قطع الاوصال ودمار فى ديار

وياما دقوا طبول وفى كل زمان      والشعب يثور ويخرج منصور

الجيش والشعب ايد واحدة           والشرطة والشعب ايد واحدة

ونعيش ونموت ايد واحدة           واحفادنا يعيشوا ايد واحدة

ثوار احرار بداوا المشوار          وشهداء ابرار فى جنة رضوان

وتنتقل الكاميرا الى خيمة اخرى ويقول احد الشباب:

كنا وكان فى زمن الاخوان         يعنى السلطة ويعنى خلافة فى اى مكان
حكموا عشيرة واهل وجيرة        يعنى يردوا  بخبث وحيلة وبالعرفان
تهريب ماشى وبانفاق              ضخ سولار ودى سرقة عار
ويردوا حشيش وسلاح ودمار     واهو كله يخبوه فى الاوكار
يقتلوا فى جنودنا المصريين        ويخافوا من ضرب الاسرائيليين
والمرسى حاميهم بالعرفان         والشعب اصابه عته وجنان
وتمرد سارى فى كل مكان        ويقولوا مافيش احنا الاخوان
 

وتنتقل الكاميرا الى فتاه فى نفس الخيمة وتقول :

والثورة تقوم والشعب يثور       ويزيلوا فى سطوة الطغيان
والجيش بيساند شعبه             والسيسى يكرم اصله
ونقول عايزين انتاج              والدورة تدور وكفاك
ومصالحة بدون اقصاء           والكل يشوف اللى وراه
ويرفضوا باسم الاسلام           والدم يسيل الوان
ويستعدوا كل الناس              ويقولوا يحمونا الامريكان
وتركيا واوروبا واردوغان       ويعيشوا على كنا وكان
ويقتلوا فى المصريين             شهداء بسلاح اخوان
وده برده يرضى مين              دول برده كمان اخوان
كفاية رخونة وبلاها اخونة       وربنا يبليهم ببلوة من السما

وتنتقل الكاميرا الى خيمة اخرى ويقول احد الشباب:

ده الدم لما يسيل                   يعنى قصاص ليوم الدين
وقالوها فى مرة شعار               عالقدس رايحيين شهداء بالملايين
واضلوا بلاد وعباد                    بمزيد من الاتفاقيات
ولابروا فى يوم بالوعد               ولا صدقوا فى زمة وعهد
ويقسموا بين فريقين                 والفتنة فى جنس ودين
قتلى فى الجنة خلاص                وقتلى فى النار تداس
بالذمة مصالحة ازاى                  والدم فى كل مكان
ده قتلنى وراح يقتلنى                 مرات وباسم الدين
ده الحسم مع الاعداء                   يحميك من كل بلاء

وتنتقل الكاميرا الى قلب الميدان وتقول شاعرة اليدان:

يااهل الصفوة ويااهل الدين             مصر حضارة وعلم ودين

كانوا زمان بيقولوا ارهاب            يعنى السرقة وكسر الباب

بلطجة تسرق فى الطرقات            تخطف تنهب بدون حرمات

وعمرما شارك اهل الدين            ولا اقباط ولا مسلمين

وفجاة يشاركوا بالتغيير              ويتاجروا برده باسم الدين

ويقولوا احنا اخوان مسلمين        وجهادين وسلفيين

و فرع فى غزة يعنى حماس         وقاعدة فى تونس وليبيا كمان

وكل العالم بالتنظيم                  ده دعوى وسلمى باسم الدين

وحكم الدين يعنى الشرعية         والاخونة لازم للحرية

ومرسى بيحكم للاخوان             اهله وعيشيرته فى كل مكان

وتصحى خلايا فى كل مكان        بحرق وقتل وسرقة كمان

يقولوا ندافع عن اسلام             بكذب وغدر وحرق كمان

تحالف غادر باسم الدين            لقتل اخوانهم المصريين

وغضبوا لوحدة فى كل مكان       هلال وصليب والجيش فى امان

وحاولوا الفتنة تبقى الحل           وشق الصف يبقى الاهم

تظاهر ظاهر وبمسيرات             يهاجموا الشرطة فى محافظات

يا نحكم مصر باسم الاخوان         يا نحرق فيها فى كل مكان

وبخسة وغدر يروحوا فى سينا      ويقتلوا جنودنا من اهالينا

يا مرسى يازفت ياعم ايهاب          شوهتوا الدين وكفاية ارهاب

ويقول شاعر اخر فى الميدان:

ندعى بدعوة تعيش فى امان       لامنا مصر

يحميها ربى فى كل زمان           لامنا مصر

ام الدنيا حضنها دافى               تجمع شمل شعوب الدنيا

مصر عروسة بايد فنان             واحة خير وامان وسلام

نيلها الصافى يروى اراضى        يطرح حب وزرعها وافى

احمر وابيض دول بحرين          يجروا وهى بين قارتين

ندعى بدعوة تعيش فى امان       لامنا مصر

يحميها ربى فى كل زمان           لامنا مصر

اعداء حاولوا فى كل مكان          دول يغزوها فرس رومان

مصر قوية وشعبها قادر            يطرد برده الغازى الغادر

موقع مطمع وسط الدنيا            تربط شرق وغرب الدنيا

وبقناة واحدة هى سويس          سفن العالم تلقى هاويس

ندعى بدعوة تعيش فى امان       لامنا مصر

يحميها ربى فى كل زمان           لامنا مصر

وفجاة تقول لى كنا وكان           اصحى الاقى فلول اخوان

حكم عشيرة واهل وجيرة           تشق الصف وتزيدنى حيرة

اصل المرشد ويا جماعته           بحر خيانة مع الاخوان

تحكم تفرح تزيد طغيان             تخرج تحرق كل مكان

ندعى بدعوة تعيش فى امان       لامنا مصر

يحميها ربى فى كل زمان           لامنا مصر

هو تمرد شعب ومصرى            يفرز يعرف اصل المصرى

كلمة وقالها ومش حاتعود          الاخوانجى حقود وحسود

يقتل مسلم قبطى وجار              وفى شخصيته خزى عار

مصر ده فيها رجال ثوار            يعرفوا ياخدوا صحيح بالتار

ندعى بدعوة تعيش فى امان       لامنا مصر

يحميها ربى فى كل زمان           لامنا مصر

 

  مع تحيات الفقير الى الله ياسر شرف- كبير محررين مترجمين بقطاع الاخبار- الاذاعة والتلفزيون YSHARAF37@GMAIL.COM- 01005285578
« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق