]]>
خواطر :
إذا سمعت عويل الذئاب...يعني ذلك ، إما في المصيدة تتألمُ أو في الغنائم تتخاصمُ...   (بلقسام حمدان العربي الإدريسي) . “كلا – كلا ! لا ظلام في الحياة وإنما هي أنظارنا الكليلة التي تعجز عن مرأى النور في أبهى مجاليه(مي زيادة )   (طيف امرأه) . 

اوبرت مدرسة الناظر بركة

بواسطة: ياسر شرف  |  بتاريخ: 2013-08-27 ، الوقت: 13:23:40
  • تقييم المقالة:
اوبرت مدرسة الناظر بركة ==================

المشهد الاول: تصور الكاميرا حجرة ناظر المدرسة وحواره مع وكيل المدرسة ومعه معاونيه حول ادارة المنظومة التعليمية وكيفية التغلب على معوقات الدراسة ويبدا الناظر بالحديث عن خطة الوزارة للعام الدراسى الجديد قائلا :

ياهل العلم ويااهل الصفوة     نبدا عامنا بشدة وصحوة

عندنا خطة من وزارتنا       هى دليلنا واصل المنهج

نفنى حياتنا فى التعليم        وتفرح دفعة جيل ورا جيل

هم ولادنا والجيل الصاعد    يكبروا بكره بالفكر الواعد

حصص المادة بالتوزيع      ولا حد يغالط بالتزويغ

نظامنا ده ثابت طول العالم   وننهى المنهج وكله تمام

شرحكوا وافى بالتفصيل       ويزيد  فلة مع التحابيش

كتب اولادنا فى التوزيع      توصل برده لاخر الصيف

ولو يوم كان أى غلاء        ندعى بسرعة مجلس الاباء

==============================

ويرد وكيل المدرسة وبطانته ويقولون :

انت ناظرنا يعنى كبيرنا          تحل العقدة فى كل امورنا

عايزين دعم ده فى مكاتبنا      وادوات حسم لكل شئونا

طلبة تشاغب فى الطرقات      وتأذى مدرس ليه بالذات

وكله بيدى دروس خصوصية  فى قلب سناتر وقطعوا المية

وفين مجاميعنا تفيد طلابنا     فى وسط فصولنا وناخد نفحة

================================

ويدافع احد المدرسين وبطانته قائلا:

وقت الحصة ما بيكفيش             لسبعين طالب مش قاعدين

ادى الفكرة بالتلخيص              والشرح ده بره بالتفصيل

حتى الفسحة ما بتكفيش           نرتب سنتر للتدريس

الدنيا بتغلى مع الاسعار           ودروسنا بتغرى حبة شطار

================================

ويقول الناظر :

يالا نتابع جوا فصول           نبض الحركة فى كل يوم 

ويدخلون فصل فى حصة انجليزى لمراقبة الحركة الدراسية

ويقول الاستاذ:

ستاند اب يا اولاد             وتحية للناظر واللى معاه

ويقول التلاميذ :

ويلكم ويلكم يا مستر         خيرك غطى وراح يكتر

ويسال المدرس الطلبة ويقول :

هاو مينى طالب حياخد دروس

ويردوا الطلاب:

اول اف اس والباقى محجوز

ويقول الناظر :

جود بويز بكل اللغات            راح نراعيكوا فى المجموعات

ويقول وكيل المدرسة وبطانته:

يسقط يسقط فيرب تو بى          ويحيا ناظرنا ابن الايه

ويردد الطلبة نفس الهتاف:

يسقط يسقط فيرب تو بى          ويحيا ناظرنا ابن الايه

=====================================

وينتقل الناظر الى فصل اخر وحصة اللغة العربية

ويقول المدرس:

قيام يا تلاميذ ان وكان          تحية لناظر كل زمان

ويحيي الطلبة الناظر ويقولون :

انت العمدة وانت الناظر         امرك ماشى وفعلك حاضر

ويسال المدرس التلاميذ ويقول :

مين الفاعل ومين المفعول      

ويرد الطلبة :

الناظر فاعل ومش مفعول       وعدوه يخفى يطق يموت

ويقول الناظر :

شكرا شكرا يا شطار             هاتوا السلطة وكيلو خيار

ويقول وكيل المدرسة وبطانته :

يسقط يسقط اخوان ان           واحنا ناظرنا يخش الجنة

ويردد الطلبة نفس الهتاف:

يسقط يسقط اخوان ان           واحنا ناظرنا يخش الجنة

===================================

وينتقل الناظر الى فصل اخر وحصة تاريخ ويقول المدرس :

قوموا يا طلبة يا ثوار            حييوا الناظر واهل الدار

ويرد الناظر :

شكرا شكرا يا ثوار              انتوا رجولة وكمان احرار

ويسال المدرس الطلبة ويقول :

مين القائد المغوار              قاد فى بلادنا وعدى النار

ولم فى شمل المصريين        فى عكا وحيفا وكمان حطين

ويرد الطلبة:

هو ناظرنا ابو الثوار            وبيخدمنا ليل ونهار

فيرد الناظر:

شكرا شكرا يا طلاب           كله حاينجح بالدرجات

ويقول وكيل المدرسة وبطانته:

يسقط ريتشارد عدو الدين      احنا ناظرنا صلاح الدين

ويردد الطلبة نفس الهتاف:

يسقط ريتشارد عدو الدين      احنا ناظرنا صلاح الدين

===============================

وينتقل الناظر الى فصل اخر وحصة الرياضيات ويقول المدرس:

قيام يا طلبة بزاوية مستقيمة           حييوا ناظرنا القيمة السيما

ويقول الناظر :

جلوس بزاوية منفرجة       وحلوا المسائل الملتهبة

ويسال المدرس تلاميذه :

مين صاحب نظرية التلخيص فى التدريس     هل هو الناظر ام فيثاغورث

مين صاحب نظرية حل المسائل بالمسائل      هل هو الناظر ام الجبرتى

ويردوا الطلبة :

اللي يشوفنا  بالنفحات             هو ناظرنا كده بالذات

ويرد الناظر:                                     

انتوا  عقولكوا كده رياضية         وحنتفاهم ميه ميه

كله يسجل فى المجاميع             واللى يسجل مش حيضيع

ويهتف وكيل المدرسة وبطانته:

قالوا الارض دى كروية            واحنا ناظرنا ميه ميه

ويرد الطلبة وراءه:

قالوا الارض دى كروية            واحنا ناظرنا ميه ميه

==================================

وينتقل الناظر الى فصل اخر وحصة الفيزياء ويقول المدرس:

قوموا يا طلبة بفيزيا قوية         حييوا ناظرنا ابو طاقية

ويقول الطلبة:

انت ناظرنا واصل الفيزيا          وبتحاليلك تصبح كيميا

ويرد الناظر:

احنا يا طلبة فى معادلات         راح نتصاحب كده بالذات

ولا نتفزق ولا نتخانق            مصلحة واحدة وكله حبايب

ويهتف وكيل المدرسة وبطانته:

تحيا فصول الاستاتيكا            ويحيا ناظرنا بالبولوتيكا

ويردد الطلبة نفس الهتاف:

تحيا فصول الاستاتيكا            ويحيا ناظرنا بالبولوتيكا

================================

وينتقل الناظر الى فصل اخر وحصة الكيمياء ويقول المدرس:

يالا يا طلبة قوموا فى معادلة      نحييى ناظرنا وهو كبيرنا

ويقول المدرس للطلبة:

يد اتنين ويا الاوكسيد        لو يتفاعل يبقى جديد

ويبقى مركب يملا العين     بفضل ناظرنا سنين وسنين

ويرد الطلبة:

الغاز يكبر فى الانبوب         وبيتفاعل فى المطلوب

واحنا ناظرنا جوه قلوب       وبدرجاته اكيد موهوب

ويقول الناظر:

لو تتفاعلوا جوه فصولكم        عمر مدرس ماحيفصلكم

ويقول الوكيل:

تحيا الكيميا فى معادلات        ويحيا الناظر فى كبسولات

ويردد الطلبة:

تحيا الكيميا فى معادلات        ويحيا الناظر فى كبسولات

=================================

وينتقل الناظر الى فصل اخر وحصة الاحياء ويقول المدرس:

اوقفوا يا طلبة بالاحياء           اصل ناظرنا كله حياء

ويقول الطلبة:

احياء حية وبر مائية             تحييى ناظرنا الميه ميه

ويقول المدرس:

نباتات خضرا مع اسماك         تحييى وهو ملاك

ويقول الطلبة:

برفوا عليكم يا طلبة احياء        قطعتوا النور وكمان الماء

ويصيح الوكيل وبطانته:

تحيا الكيميا مع الاحياء           واحنا ناظرنا ابو الاحياء

ويردد الطلبة:

 تحيا الكيميا مع الاحياء           واحنا ناظرنا ابو الاحياء

================================

 وينتقل الناظر الى فصل اخر وحصة فلسفة ويقول المدرس:

قيام يا طلبة بدون فلسفة        حيوا ناظرنا ملك الوفا

ويقول المدرس :

لا تقول ارسطو ولا سقراط        ده ناظرنا هو اصل الحضارات

ويقول الطلبة:

حبيبنا ناظرنا مش فليسوف        يكرم وفادة كل الضيوف

ويقول الوكيل وبطانته :

اعصر قوطة ويا لمونة            ناظرنا احسن من افلا تون

ويردد الطلبة:

اعصر قوطة ويا لمون            ناظرنا احسن من افلا طون

وينتقل الناظر الى فصل اخر وحصة الفرنساوى ويقول المدرس:

قوموا يا طلبة وقولوا بونجور      ده احنا ناظرنا وش الخير

ويقول المدرس:

ولا ساركوزى ولا ميتران            احنا ناظرنا من الاحرار

ويهتف الوكيل وبطانته:

يسقط يسقط نابليون                    ده احنا ناظرنا جاب الجون

 ويردد الطلبة:

يسقط يسقط نابليون                    ده احنا ناظنرنا جاب الجون

===================================

وينتقل الناظر الى فصل اخر وحصة الدين ويقول المدرس:

ايها الطلاب قيام فى سلام             لنحيي ناظرنا بتحية الاسلام

ويقول الطلاب :

حللت اهلا ونزلت سهلا               وانت ناظرنا فى كل مكمن

ويقول المدرس :

ندعوا لربى باغلى دعاء              احمى ناظرنا من الاعداء

ويقول الناظر:

بوركتم بشدة يا طلاب                 وكونوا زخرا فى اى خطاب

ويهتف الوكيل وبطانته:

لبيك اللهم لبيك                         ناظرنا بركة بين يديك

ويردد الطلاب :

 لبيك اللهم لبيك                         ناظرنا بركة بين يديك    

وينتقل الناظر الى فصل اخر وحصة الالعاب الرياضية ويقول المدرس:

صقفة قوية من الالعاب                تحمى ناظرنا من الاعداء

راعى رياضة وكورة فى الجون       تلعب تكسب بالمليون

ويقول الطلبة:

انت ناظرنا وكده لعيب                 كله يشجع بيب على بيب

ويقول المدرس :

كورة وسلة وباسكت بول              انت راعيهم بالتليفون

ويهتف الوكيل وبطانته:

يسقط حمدى فى المنصورة            ويحيا ناظرنا راعى الكورة

تسقط ورقة مع استيكة                 احنا ناظرنا من امريكا

تحيا وزارة التعليم                       احنا ناظرنا مع الملايين

يسقط عرف الديك الرومى              احنا ناظرنا ضميره كمونى

تسقط فكرة فى الف كتاب               احنا ناظرنا بيشرب ماء

 

وتردد الطلبة:

يسقط حمدى فى المنصورة            ويحيا ناظرنا راعى الكورة

تسقط ورقة مع استيكة                 احنا ناظرنا من امريكا

تحيا وزارة التعليم                       احنا ناظرنا معاه الملايين

يسقط عرف الديك الرومى              احنا ناظرنا ضميره كمونى

تسقط فكرة فى الف كتاب              احنا ناظرنا بيشرب ماء

مع تحيات الفقير الى الله ياسر شرف- كبير محررين مترجمين بقطاع الاخبار- الاذاعة والتلفزيون YSHARAF37@GMAIL.COM- 01005285578    

 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق