]]>
خواطر :
رغم إني أخاف من الغرق ، عقدة تلازمني منذ الصغر...أتمنى الغرق في بحر ذكرى هواك...   (بلقسام حمدان العربي الإدريسي) . 

قصيدةالتوك التوك

بواسطة: ياسر شرف  |  بتاريخ: 2013-08-21 ، الوقت: 15:32:27
  • تقييم المقالة:
قصيدةالتوك التوك ============

توك توك تكاتك تكاتيكوا            مطرح ماتنوا يوديكوا

انا قلبي توك توك بيتكتك           يدق دقة ويتفكك

ركبوا معايا تلات انفار              وعادتي ارغي مع الركاب

ارملة تشتكى اولادها                  كبروا وسابوها للوحدة

لاحد يزورها فى شقتها             ويشوف مرضها فى وحدتها

وتقول ولادها دول جاحدين          لو زاروا يبقوا كمان عايزين

ربك بيرعى كل مريض              ورحمته واسعة تزيد وتفيد

توك توك تكاتك تكاتيكوا            مطرح ماتنوا يوديكوا

انا قلبي توك توك بيتكتك           يدق دقة ويتفكك

وشاب خريج من جامعة             دكتور يدور على شغلة

يقعد ليلاتي علي القهوة            وزمايله برده دول عاطلين

ينعي في حظه كده يوماتي        ويقول ياريتني جزماتي

لو كان في مهنة تنفعني             تصرف علي وعلي اهلي

توك توك تكاتك تكاتيكو             مطرح ماتنوا يوديكوا

انا قلبي توك توك بيتكتك            يدق دقة ويتفكك

وراجل بيشكي من التعليم           وولاده عايزه مصاريف كتير

دروس لا ترحم بنى ادمين         وتبوس فى رجل المدرسين

بلاها مدرسة مخروبة               تاخد فلوس يدوه طوبة

ويجيب منين الرحمة يا ناس       راتب قليل والباقي صراصير

توك توك تكاتك تكاتيكوا            مطرح ماتنوا يوديكوا

انا قلبي توك توك بيتكتك           يدق دقة ويتفكك

مع تحيات الفقير الى الله ياسر شرف- كبير محررين مترجمين بقطاع الاخبار- الاذاعة والتلفزيون YSHARAF37@GMAIL.COM- 01005285578  
« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق