]]>
خواطر :
انساك ! ده كلام ؟... اهو ده اللي مش ممكن ابدا...   (بلقسام حمدان العربي الإدريسي) . 

قصيدة مراية الاوهام

بواسطة: ياسر شرف  |  بتاريخ: 2013-08-15 ، الوقت: 18:55:38
  • تقييم المقالة:
قصيدة مراية الاوهام ============

كنت فى طفولتى زمان وزمان           ابص فى مراية الاحلام

واقول ده نفسى ابقى كمان               دكتور مهندس او فنان

واسكن فى قصر بدون سكان             خدم حشم والمحشى حمام

وركوبه فخمة تسير فى امان          توقف طريق تضرب فى سلام

ووظيفة تأمر بدون عنوان                كله يطيع ويقول ده تمام

وانام سعيد مرتاح البال                    واتمنى تحقيق الاحلام

وكبرت برده مع الايام                     وقالوا لى عايش فى الاوهام

بص فى مراية الواقعية                    وعيش فى عيشة اهليه

تاكل فى فول او طعمية                     والحلو حلاوة طحينية

تاخد شهادة جامعية                         ووظيفة ميرى معدية

وتكون  كفارس الواقعية                    والفعل اصله بالنية

دى النفس هى تلات انواع                  راضية وناقمة ولوامة

والناقمة ترمى على شماعات                وتقول ده لازم يشيلونى

اسهل اعيش كده فى الاوهام                 واقول غلطهم حاسبوهم

والمخ يعنى اصل الداء                       يعجب فى صاحبه بلا استثناء

ما تقولش ايشمعنى ده فلان                 عنده الكتير وانا تعبان

وحظى قليل ليه انا بالذات                    والكل مرتاح بمخدات

ده الحقد وسوسة من ابليس                 يجلب فى هم وكلامه يغيظ

ولو فى يوم تحسد اغراب               ممكن فى لحظة تعيش فى خراب

وبايدى اهدم فى حياتى                      واندب فى حظى بلعناتى

كسر مراية الآوهام                           وبطل تعيش ويا الاحلام

لابابا و ماما مع الاخوان                     راح ينفعوني ده كله كلام

ربك يوزع فى الارزاق                        من مال وصحة مع الاولاد

وارضى بقليل تسعد وياك                      اهلك ووطنك والكل معاك

وبايدى ابنى فى حياتى                         واسعد فى نفس واحبابى

-----------------------------------------------------------------------------

مع تحيات الفقير الى الله ياسر شرف- كبير محررين مترجمين بقطاع الاخبار- الاذاعة والتلفزيون YSHARAF37@GMAIL.COM- 01005285578      
« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق