]]>
خواطر :
“كلا – كلا ! لا ظلام في الحياة وإنما هي أنظارنا الكليلة التي تعجز عن مرأى النور في أبهى مجاليه(مي زيادة )   (طيف امرأه) . 

تلخيص حال مصر ومطالب شعبها

بواسطة: Osama Hassanin  |  بتاريخ: 2013-07-29 ، الوقت: 19:44:17
  • تقييم المقالة:

 

  • بصوا احنا نلخص الليله دى بقى  
  • السيسى ده راجل محترم وطنى شريف قائد تربى بين صفوف القوات المسلحه المصرية لم ولن يخضع لسياسات امريكا واسرائيل فقط يخضع لارادة الشعب المصرى العظيم 
    انت راجل زى الفل نصدره بقى 
    احنا عاوزين الراجل ده رئيس للدولة بس قبل متكون رئيس وبعدها عاوزك تقعد مع الادارة الامريكية والاسرائيلية وتتفق معاهم ان وجودك فى السلطه لم يوثر على وجود وامن وطموحات وحلم وعقيدة اسرائيل ولن يوثر على وجودها وسياستها فى المنطقة وانك ملتزم بكافه بنود اتفاقيه كامب دايفيد وطبعا هما ثقتهم فيك كبيرة
    بس عاوز من سيادتك 4 مطالب ده على اعتبار انك بتخضع لارادة ومصلحه الشعب المصرى وحاجات بسيطة جدا 
    1- اكتفاء ذاتى من الغذاء وخصوصا القمح بحجه طبعا ان الشعب مش لاقى ياكل وعاوز قمح مصرى عشان مش متعود على القمح الامريكى او الروسى النظيف عشان بيتعبه 
    2- صناعه محليه كامله للادوية توازى الصناعه الاوربية يا اخى اققولك صنع انسولين محلى بس مطابق للموصفات الاوربية الله يرضى عليك بلاش موصفات وزارة الصحه المصرية لانها تقريبا محدده موصفاتها حسب الحيوان البدائى ولا ايه معرفش طبعا بحجه ان الشعب كله محتاج يتعالج وكله عارف كده 
    3- تصنيع محلى عسكرى بس بلاش تلفزيونات ومراوح الهيئة العربيه للتصنيع ولا مسدسات وبنادق يعنى خد خطوة واحدة تساوى المشير ابو غزاله الله يرحمه فى صناعه الصاوريخ الباليستية مشروع فى الثمانينيات اهه 
    4- النهوض بمستوى التعليم فى مصر بما فيه الجامعات المصرية الله يرضى عليك عاوزين نتعلم حاجه مفيدة عاوزين الشعب يفتح 
    طبعا مفيش اسهل من كده ولا ميزانيه ولا غيره اوامر للمزارعين بزراعه القمح بدل اوامر منعه وطبعا المياه موجوده السد مش هيتعمل ومش بعيد اثيوبيا تدينا حصتها فى المياه بعد الاخوان ودواء وبلاش سلاح كمان 
    اققولك لو مش هتقدر طلع اشاعه   انك هتجيب شركه يابانيه تعمل مفاعل نووى سلمى لتوليد الطاقه طبعا انت عارف ان الاخوان هربوا بنزين مصر لحماس والكهرباء بقت مشكله كبيرة فى مصر وانا شايف ان الشعب كله وراك يا قائد وفى ضهرك وهيساندك ومش الشعب بس لا المؤسسات كلها بما فيها المؤسسه العسكرية أثبت لنا بقى انك تخضع لارادة الشعب 
    ومعلش عشان بس لو مقدرتش على كل ده هو طلب كده بس رزل شوية محاكمه مبارك وافراد نظامه واققولك حاكم معاهم الاخوان وقياداتهم طبعا انت كنت مدير المخابرات الحربية فى عهد مبارك وتعلم الكثير والكثير قبل وبعد الثورة وانا معتمد على وطنيتك وخضوعك لارادة الشعب المصرى   وهنعمل جمعه تفويض المحاكمه وممكن نخليها برضو تفويض القتل ودول اولى بالمعروف   
    وانا اوعدك اول متاخد خطوة جاده فى حاجه واحده من دول بعدها بشهر الشعب المصرى كله هيصدق انك ابن خال اوباما وان جولدا مائير جدتك وكمان هنلاقى الاعلام المصرى بيذيع لك فيدوهات وانت بتقتل فى الشعب والشرطه والجيش ومش بعيد ترجع تانى اخوان   
    معا لترشيح الفريق السيسى للرئاسه .... ( المطلب القادم ) 
    اه لو افتكرت تنفذ مشروع محور قناة السويس ابقى نفذه فلوسه مدفوعه تقريبا اكتر من 4 مليار على الطريبزة ده طبعا لو الامارات وافقت واسرائيل المهم ارادة الشعب المصرى  



    ولعلمك لو حاولت تقتلنى او تعمل اى حاجه فيا او تحبسنى انا عندى فريندز على الفيس ياكلوا البوستات نيه    

... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق