]]>
خواطر :
ظللتنى تحت ظل السيف ترهبنى...حتى استغثتُ بأهل اللهِ والمَدَدِ... ( مقطع من انستنا يا أنيس الروح والجسدِ)...   (بلقسام حمدان العربي الإدريسي) . 

انا مش رخيص

بواسطة: مريم كرم  |  بتاريخ: 2013-07-05 ، الوقت: 20:08:29
  • تقييم المقالة:

انا مش رخيص انا منك

وبدمى ع الكراريس كتبتلك بحبك

انا مش رخيص ومن طينك

تحبينى وتنسينى تدوسينى

انا ابنك

انا مش رخيص

د انا على حجرك اتربيت

وعلمتينى اهواكى ومن صغرى

بغنيلك وعلى عودى ادندنلك

كرهانى وعليكى تقيل

وياما على بتميلى

اعملك دراعى طريق

تعدى وتعلى وتكونى

اموت احيا ولا يهمك

قومى اصلبى طولك

اعلى ودوسى على عمرى ويرخصلك

بس اوعى اشوف عينك

من الكسرة تدارى فيها بدموعك

دمى اللى على كفك متغسليهوش

عشان تفضلى فاكرة

ولو شاكة انى مش منك ريحتك فدمى هتدلك

ازاى يا حببتى نكرانى وانا دمى حروف اسمك

تعالى قوليلى لية وياكى مش فارق

ويوم ورا يوم مخصمانى

ولية ياعمرى نتفارق

ماشى وروحى على كفى

وجاى عشان ندهتيلى

قالولى جاى احميكى

وعلى بابك اقف سهران

وموصلتش ولا جيتلك

مشيت خالص وسايبلك

حتت منى تلميها ومش زعلان

لو قالوا ملامحه مش باينة

ومش عارفين دا يطلع مين

دا  واد  غلبان

دا واد  غلبان ومن غلبه

مات على ايد سلاطينك

دمه غرق الميادين

ولو نصرخ يدوسوا علينا باديكى

ونشكيلك ونشكيكى ومش بايعين

اوعى تصدقى كلامهم

لو احنا عليكى مش غاليين

غالية وعمرنا كله

لو يرضيكى مش شاريين

ولسة عليكى بنحاجى

اوعى تخافى مش ساكتين

لو هنموت عشان النور يشوف عينك

نجيبه وفالكفن نايمين

 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق