]]>
خواطر :
شوهدت ذئاب على أطراف الوديان في فرائس تتحينُ ...مرت عليها البهائم وهي تتعجب... ردت الذئاب على البهائم ، لما العجبُ لولا الفرائسُ لما وُجدت الذئابُ...   (بلقسام حمدان العربي الإدريسي) . الحياة فصول .. جلوسنا لدقائق , لا يعني إحتوائها تماما هي دقائق نتأملها ..لا غير.   (طيف امرأه) . اختصار الكلام براعة لا يجيدها كل أحد، كما أن الإسهاب فيه فن لا يتقنه إلا القلة، والعبقري من يجمع بين الحُسنين   (محمد النائل) . 

اسف

بواسطة: مريم كرم  |  بتاريخ: 2013-07-05 ، الوقت: 15:37:38
  • تقييم المقالة:

اسف عشان تاخيرى

سهرانة ف البلكونة تستنينى

شايف عنيكى الدبلنين منهم قلق بيطل

الواد لسة مجاش والفجر اهو هيهل

اسف عشان مرجعتش

شباكك المفتوح مستنى يسمع خطوتى

ولهفتك ع الباب ودقة المفتاح

اسف عشان معرفتش

اقولك  انى مشيت

تاه منى الطريق

ونسيت مكان البيت

اصحابى اهم جايبنى

شايلنى يا اما شيل

يقلولك ابنك بطل

والدم سايل سيل

مش يااما كان ف نفسك

تشوفينى بكرة عريس

ادينى اهو ف الزفة

وعروستى يااما مصر

المهر كان عمرى

وكحلها دمى

متزوقة وحلوة

فستانها كان كفنى

امسحى يااما الدموع واتفرجى

الورد اهو فتح

والنور رجع تانى يزوق الميادين

امانة لما اوحشك ياحببتى تزورينى

عنوانى ميتوهش

وحياتى يااما تسلمى

ع السمرا بنوتة الجيران

خليها فكرانى

وعدتها يااما بالدبلة ف اديها

ومصر خطفتنى

انا واللة ما خنتك هى اللى ملكانى

بكرة تسامحينى

لما تشوفيها منبتة اخضر

وفحضنها تنامى على غنوة من صوتى

ابقى اسمعى فيروز تفكرك بيا

وهاتيلى طوق الفل اشم فية ريحتك

واتمنى امنية

 

 


... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق