]]>
خواطر :
انساك ! ده كلام ؟... اهو ده اللي مش ممكن ابدا...   (بلقسام حمدان العربي الإدريسي) . 

طبيب نفسي حلقات منفصله متصله الحلقه الخامسه

بواسطة: اسماء ابراهيم  |  بتاريخ: 2013-07-02 ، الوقت: 11:34:17
  • تقييم المقالة:
الحلقه الخامسه

أنا تعبانه أوي يا دكتور حاسه أني هموت ناقصه عمر .

ياه للدرجه دي؟ أكتر يا دكتور تخيل أنا حاسه اني شايله الدنيا كلها فوق دماغي مين يقدر يستحمل الدنيا دي كلها بمشاكلها خلاص مبقتش قادره علي كل الي بيحصل .

ممكن توضحيلي اكتر , هقول لحضرتك اي حاجه بتصل حواليا بحس ان أنا السبب عندي احساس علي طول بالشعور بالذنب يعني لو حد من اخواتي جاب في الامتحان نتيجه وحشه احس اني السبب لو كنت ذاكرتله مكنش وصل لكده, لما اختي اتقدملها عريس انا شجعتها علي انها توافق و ياريتني ما اتدخلت من الاول.

ليه؟ لانه طلع انسان معدوم الضمير وراها ايام سودا و طلع غير ما كلنا فكرينه و رجعتلنا بعد ست شهور و هي مطلقه و الي يشوفها دلوقتي يحس انها كبرت عشر سنين , كل ما اشوفها ببقي هموت أنا السبب.

انتي السبب ازاي هي مثلا مكنتش موافقه و انتي ضغطي عليها؟ لا هي كانت فرحانه و هو كان راسم الدور علينا كويس اوي و لما سألنا عنه عرفنا انه من عيله محترمه و بيشتغل في مكان كويس بس انا السبب لاني شجعتها , انا بموت بالبطئ كل ما بشوفها قدامي و مش عارفه اعملها حاجه للاسف , و ياريت علي كده و بس لو حاجه حصلت في الشغل مشكله مثلا احسن اني انا السبب في المشكله مش عارفه ليه حتي لو الموضوع ملوش علاقه بيا يعني مثلا مره المخازن بتاعه الشركة اتسرقت كنت حاسه اني انا السبب .

طيب ايه الدافع الي اداكي ايحاء بكده رغم ان انتي زي ما بتقولي ملكيش علاقه بالموضوع, مش عارفه يمكن عشان كان معايا نسخه مفاتيح للمخزن قديمه و برغم ان محدش كان يعرف عنها حاجه كنت بتخيل ان حد خدها من مكتبي و عمل كده مع ان محدش معاه مفتاح مكتبي و النسخه فضلت مكانها مختفتش .

ياريت الموضوع يقف عند كده انا مش قادره يكون ليا رأي تقدر تقول اي حاجه كنت ادي فيها رأي كان بيكون غلط علي طول

في حاجه تاني حصلت في محيط الاسره غير موضوع جواز اختك , للاسف اه لما اخويا جاب مجموع كبير في الثانويه العامه كان نفسه يدخل كليه الاعلام بس ماما و بابا عارضوه و صمموا ان هو يدخل هندسه و انا للاسف موقفتش جنبه و اضطر في النهايه أنه يدرس دراسه مش بيحبها و كانت النتيجه انه فضل سنتين في سنه اولي و في الاخر اتفصل منها و كانت مرحله صعبه اوي عليه لحد ما قدر يقف تاني علي رجليه و الحمد الله دخل الكليه الي بيحبها و قدر كمان يتفوق فيها لكن فضل احساسي أني لو كنت وقفت معاه كان وفر علي نفسه السنتين المؤلمين دول .

حتي المواقف السياسيه لو حسيت اني ملت لطرف و حصل حاجه للطرف التاني مثلا خسائر في الارواح كنت بحس اني انا الي قتلت الناس دي فكنت ببقي مشتته و شويه هنا و شويه هناك لحد ما واحده صاحبتي قالتلي انتي معاهم معاهم عليهم عليهم فكنت باخد الجانب السلبي و حتي قررت متابعش وسائل الاعلام عشان اعصابي كانت بتتعب لما بشوف طفل مشرد او حد بيموت لاني السبب.

السبب ازاي؟ لاني جزء من المجتمع الظالم فلازم اتحمل مسئوليه الي بيحصل فوصلت لدرجه اكتئاب فظيعه و عزله عن العالم الي حواليا كانت اكبر امنياتي اني لما احط دماغي علي المخده انام و انا مرتاحه البال لكن للاسف ده مكنش بيحصل كنت يدوب اجي انام تبتدي الصراعات تشتغل في دماغي

طيب هسألك سؤال بخصوص موضوع  أختك ياتري انتي خبرتك في الحياه اكبر و لا خبره والدك و والدتك؟ خبره ماما و بابا طبعا , جميل تخيلي الناس الكبار دول بخبرتهم الكبيره دي كلها و قدر جوز اختك يخدعهم ما بالك انتي هوني على نفسك , الموضوع ملكيش ذنب فيه دا نصيب و ربنا قادر ان هو يعوضها خير عن الانسان ده , نفس الموضوع بالنسبه لاخوكي انتي مفرضتيش عليه حاجه هو في الاخر الي يتحمل نتيجه قراره و علي قد ما التجربه كانت صعبه بالنسبه له لكن اكيد طلع مستفيد منها بس انتي حساسه اوي و بتحبيهم و نفسك يكونوا سعداء عشان كده طول الوقت بتفكري فيهم و بتحاولي تركبي نفسك اي خطأ هما وقعوا فيه.

عارفه كل ده بيحصلك ليه؟ لان انتي بيضا اوي من جواكي و صافيه زي السما الصافيه عمر ما حد مهما كانت اهميته يكون السبب  في كل الي بيحصل حواليه كلنا بنكمل بعض بعيوبنا و مميزاتنا لكن عمر ما حد مهما كان فيه عيوب يدمر الدنيا لوحده و عمر ما حد مهما كان فيه من مميزات يعمرها لوحده لازم كلنا نحط ايدينا في ايد بعض و نشتغل و نبنبي دا بالنسبه للمجتمع الي بتشعري بالذنب ناحيته خليكي ايجابيه من ناحيتك اشتغلي  انتجي عمري لكن متنعزليش عنه عشان هو مجتمع مخطئ بطبعه تخيلي لو ناس كتير فكروا نفس تفكيرك و مشاركوش في مجتمعهم بحجه انهم هيدمروه  النتيجه هتكون ايه المجتمع ده هيصاب بالشلل لكن طول محنا عايشين لازم نحب لازم نكره لازم نتعب لازم نرتاح لازم نعمل حجات صح لازم نعمل حجات غلط و نتعلم من اخطاءنا مفيش انسان كامل.


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق