]]>
خواطر :
إذا سمعت عويل الذئاب...يعني ذلك ، إما في المصيدة تتألمُ أو في الغنائم تتخاصمُ...   (بلقسام حمدان العربي الإدريسي) . “كلا – كلا ! لا ظلام في الحياة وإنما هي أنظارنا الكليلة التي تعجز عن مرأى النور في أبهى مجاليه(مي زيادة )   (طيف امرأه) . 

وقفة رجاله لازم نتغير

بواسطة: صبرى محمد  |  بتاريخ: 2011-05-20 ، الوقت: 05:39:39
  • تقييم المقالة:
وقفة رجاله لازم نتغير

احد الركاب    : الاجره كام يا ريّس

السائق        : جنيه وربع

الركب          : ليه ؟ مش 75 قرش بس

السائق        : لا هيه جنية وربع انا اجرتى موحده

الراكب         : ليه هو مترو

السائق        :  اعتبره كدا

الراكب          : لا مش هدفع الا 75 قرش بس

راكب ثانى     : وده صح .. الاجره 75 قرش بس

السائق         : يا ريت كل واحد يخليه فى حاله

الراكب الثانى : ده كان زمان كلمة وانا مالى كانت لبانه على لسن الكل لكن الوقت ى الوضع اتغير

السائق        : يا ريت نبطل شعارات انت نفسك مش مصدقها

الراكب          : برده مش هدفع الا 75 قرش

السائق         : اتفضل انزل ومش عايز اجره خالص

راكب ثالث      : لأ مش هنزل وكلنا معاه

راكب رابع       : يا ابنى اتقى الله وكُلها بالحلال وبطّل استغلال عشان ربنا يباركلك

راكب خامس   : لو مبطلناش نشتغل بعض مش هنتقدم ابدا .. وعمرنا ما هنتحسّن . هنرجع لورا ... بالله   

                     عليكم مترجعوناش لورا ..لازم نتغير من جوانا ، لو انت مصر بحق...قول للغلط لأ

الراكب الاول    : بص انت كنت الاول بتدفع عشرين تلاتين جنية من يوميتك وانت فاهم وانا فاهم .. الوقت    

                     يقدر حَد يقولك هات قرش

السائق                 : لأ .. بس انتو كنت بتدفعو الاجره دى .

الراكب الثانى          :اللى بيركب من اول الخط لاخره يدفع الاجره كامله لكن محطتين يدفعها كامله ازاى.

ينزل السائق ويجذب الراكب الاول لينزله خارج السياره فيسرع الجميع وتحدث مشادات طويله يضطر اخيرا السائق للاستجابه  لارادة الركاب ويكمل الرحله و الراكب الاول يدفع 75 قرش فقط .
وينتهى المشهد هنا

ولكنه يتكرر يوميا . حكمة قالها الراكب الخامس "لازم نتغير من جوانا .. ، لو انت مصر بحق...قول للغلط لأ . يجب ان نتغير من دخلنا اذا كان الشعب ينادى بتطهير الفساد واسقاط النظام فان الوطن ينادينا جميعا " الوطن يريد تطهير تطهير النفوس ، الوطن يريد تحرير العقول " ولا يغير الله ما بقوم حتى يغيروا ما بانفسهم .. يجب ان نتكاتف جميعا "نقف وقفة رجاله " ، رجاله تتحمل المسئوليه ، مسئولية وطن ينادى ابنائه اسقطم الطلاح فاقيموا الفلاح والاصلاح .


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق