]]>
خواطر :
الحياة الدنيا مثلها امرأة ، تراها من بعيد جمالا براقا لتكتشف أن كل شيء فيها مصطنع ... من رموش العين إلى احمرار الخدين والشفتين إلى طاقم الأسنان الناصع البياض...   (بلقسام حمدان العربي الإدريسي) . 

طبيب نفسي حلقات منفصله متصله الحلقه الرابعه

بواسطة: اسماء ابراهيم  |  بتاريخ: 2013-07-01 ، الوقت: 12:28:26
  • تقييم المقالة:
الحلقه الرابعه

أنا أتولدت في اسره بسيطه أوي يا دوب والدي الله يرحمه يقدر يجبلنا احتياجتنا الاساسيه كان بيشتغل ليل نهار و رغم كل الظروف الصعبه اصر أن كلنا نكمل تعليمنا عشان بعد ما نخلص نشتغل في مراكز محترمه و منشوفش المعاناه الي هو شافها و احنا الحمد الله كنا عند حسن ظنه بنذاكر و بنجتهد و دخلنا احسن كليات , لكني كنت بحس اني عبئ كبير علي عيلتي مصاريفي كتير ما بين كتب و مصاريف للجامعه فعشان كده كنت بحاول علي أد ما اقدر أني مكلفش والدي اكتر من كده يعني مصروفي الخاص يا دوب اخليه للمواصلات و اروح جامعتي و ارجع صايم لحد ما اروح البيت و الحمد الله بعد ما اتخرجت اشتغلت في مكان محترم وقدرت اثبت كفائتي لكن كنت بحس ان في شئ ناقصني مش هو ده الي بحلم بيه و لا ده الي كان والدي بينتظره مني قدمت استقالتي و فتحت مشروع صغير و كنت بشتغل ليل نهار عشان اقدر اوقف مشروعي علي رجله يمكن كنت بشتغل كل حاجه عشان اقدر اوفر مصاريف العماله و يوم بعد يوم كنت بحس ان حلمي بيتحقق و مشروعي بيكبر و كل ما كنت بنجح كنت بطمع اكتر اني احقق نجاح اكبر.

تقدر توصفلي نفسك في الفتره دي لو شبهتها بحاجه تشبها بأيه؟ يصمت قليلا كأنه يتذكر و يتخيل الحاله الي كان عليها, اقدر اقولك يا دكتور كأن طموحي ده حاجه بتجري بسرعة البرق سريعه اوي و أنا بحاول اجري وراها بكل قوتي بس للاسف لا بلحقها و لا قادر اقف كأني بتحرك بالريموت كنترول, اوقات كتير بتمني لو اديت لنفسي اجازه و فصلت كل حاجه عن عقلي متعلقه بالشغل و اعمل زي ناس كتير بس مش بعرف.

طيب غمض عينيك و تخيل تحب تروح فين؟ يغمض عينيه و علي شفاه ابتسامه من يشعر بالراحه بعد عناء طويل أنا دلوقتي أعد علي شط بحر ميته زرقا و صافيه و امواجه هاديه و انا اعد لوحدي مفيش حد و مغمض عينيا و لابس نضاره شمس و ملابس رياضيه و مستمتع بالجو بس للاسف موبايلي بيرن و لازم ارد عليه, حتي في الحلم يا دكتور مش قادر افصل من الشغل حضرتك متخيل حجم المعاناه الي انا حاسس بيها دماغي مش بتفصل حتي و انا لوحدي و بتفرج مثلا علي التلفزيون بتفضل دماغي شغاله و مهما حاولت مفيش فايده دي اول مشكله تعباني في حياتي.

طيب ايه مشكلتك التانيه؟ انا ضيعت عمري و انا بحاول ابني نفسي حاسس أن شبابي اتسرق مني كأنها مرحله وقعت مني معشتهاش ببقي حاسس بحقد و غل لو شفت اتنين في العشرينيات ماسكين ايد بعض و بيتمشوا و هما مبسوطين لو رجع بيا الزمن هعيش شبابي مش هحرم نفسي من كل الاحاسيس الجميله دي.

 تخيل يا دكتور اني لما فتحت البوم صوري ملقتش صورة واحده ليا في مرحلة المراهقه كنت بلاقي صور ليا و انا طفل و بعد كده لما كبرت , طيب ليه , لاني مكنش عندي وقت اني حتي اتصور و دلوقتي علي الرغم من ان الحمد الله معايا فلوس كتير بس للاسف مش كل حاجه تقدر تشتريها بالفلوس يعني حجات كتير مقدرش اعملها.

زي أيه ؟ أني احب و اتحب واحده تحبني أنا مش تحب فلوسي و تعيش معايا علي الحلوه و المره زي ما والدتي كانت بتستحمل ظروف والدي كنت بحس انها بتعمل كده مش عشان دا واجبها نحوه لا عشان بتحبه لكن انا للاسف بالنسبه لمراتي و ولادي بنك مجرد بنك يطلبه منه الفلوس و بس , نفسي انطلق اجري اطلع رحلات اشتري لبس شبابي.

لو وصفتلي الاجانب في مجال الشغل تقدر تقول عليهم ايه؟ طبعا ناس ناجحين جدا و متقدمين و بتمني ان في يوم من الايام نوصل للي هما وصلوله و عندهم دقه رهيبه في المواعيد و كلمتهم واحده و ده طبعا عرفته بسبب تعاملي معاهم.

تخيل الناس دول بنجاحهم دا كله عندهم الشغل شغل يعني اول ما يبتدي معاد شغلهم بيحاولوا ميضيعوش دقيقه واحده من غير ما يستفيدوا بيها لكن اول ما معاد شغلهم بيخلص بيتحولوا لناس تانيه خالص , بيخرجوا و يسهروا و يستمتعوا بوقتهم بأي طريقه بيتفننوا في كده أمال هما بيعملوا فلوس ليه مش عشان يستمتعوا بيها مش عشان تستعبدهم هو ده الفرق بينا و بينهم حاول تدي لنفسك امر انا دلوقتي هستمتع بحياتي حتي لو اضطريت أني متابعش شغلي لازم اثق في الناس الي حواليا لازم اخترهم يكونوا علي قد المسئوليه, يبقي نبتدي اولا هنفصل مواعيد العمل عن الاوقات العادي, تاني حاجه لو في نفسك اي حاجه اعملها طلما لا عيب و لا حرام يبقي ايه الي يمنعك , عايز تنطلق انطلق ايه المشكله نفسك تطلع رحلات كل فتره نظم رحله في شركتك و اطلع انت و موظفينك مش هقدر اوقلك هيستمتعوا هما كمان اد ايه و هيرجعوا يشتغلوا اكتر من الاول .

بس يا دكتور مركزي ميسمحش بكده , ليه لا الحياه سهله بس احنا الي بنصعبها  علي نفسنا في تفكيرنا في عادات باليه مش هتفيدنا بشئ هتعمل فينا حاجه واحده بس أنها تحرمنا من احلي حاجه ممكن تحلي دنيتنا و هي السعاده.

أما بالنسبه لمراتك و اولادك تأكد ان هما لو اتعاملوا بحب من ناحيتك هيردوا عليه بكل حب لكن هما للاسف كانوا بيلاقوا معامه جافه من ناحيتك بتحكمها الماديات عشان كده ابدأ بنفسك اولا, و لو حسيت ان انت ضيعت شبابك من غير ما تستمع بيه للاسف في ناس كتير بيضيعوا شبابهم و مش بيحققوا اي نجاح لكن افتكر دايما ان ربنا عوضك بنجاحك.


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق