]]>
خواطر :
الحياة الدنيا مثلها امرأة ، تراها من بعيد جمالا براقا لتكتشف أن كل شيء فيها مصطنع ... من رموش العين إلى احمرار الخدين والشفتين إلى طاقم الأسنان الناصع البياض...   (بلقسام حمدان العربي الإدريسي) . 

.. " مسرح الجريمة .. وطن " ..

بواسطة: عمرو ابراهيم سيد أحمد مليجي  |  بتاريخ: 2013-06-28 ، الوقت: 17:53:44
  • تقييم المقالة:

.. " مسرح الجريمة .. وطن " ..

..........................................

لما تجمّع كام جبان

وسط الميدان

وتركّب الثعبان حصان

علشان يهدد ضعفنا

دي مش جريمة فـ حقنا

لما تغش الشقيانين

ويا الغلابة المحتاجين

وتسيب امارة للسنين

انك مضيع صبرنا

دي مش جريمة فـ حقنا

لما تقول ان المكيدة

فـ العقيدة

وانت حاوي في جرابك

سُم نابك

 والاماني في البلاد

لابسه الحداد

دي مش جريمة فـ حقنا

لما تهرّب مجرمين

ليهم سوابق من سنين

وتقول لشعبك يا بطل

افتح ايدينك للامل

وانت بتشرب دمنا

دي مش جريمة فـ حقنا

لما قلوبنا عليك تثور

ذي النسور

وتعلي صوتها في الميدان

انك تغور

وانت مكدب شعبنا

دا مش جريمة فـ حقنا

هيه الحكاية باختصار

من غير شِجار

ان الفلول حبة عجول

خبوا الحقيقة عننا

دا مش جريمة فـ ارضنا

شئ مستحيل ..

طبعا بقول انا مستحيل

ان الجريمة في الكتاب

ملهاش عقاب

اقسم بربي مستحيل

اقسم بربي مستحيل

..............................

.. " عمرو المليجي " ..

مصــــــر 28/6/2013

 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق