]]>
خواطر :
شوهدت ذئاب على أطراف الوديان في فرائس تتحينُ ...مرت عليها البهائم وهي تتعجب... ردت الذئاب على البهائم ، لما العجبُ لولا الفرائسُ لما وُجدت الذئابُ...   (بلقسام حمدان العربي الإدريسي) . الحياة فصول .. جلوسنا لدقائق , لا يعني إحتوائها تماما هي دقائق نتأملها ..لا غير.   (طيف امرأه) . اختصار الكلام براعة لا يجيدها كل أحد، كما أن الإسهاب فيه فن لا يتقنه إلا القلة، والعبقري من يجمع بين الحُسنين   (محمد النائل) . 

طبيب نفسي حلقات منفصله متصله الحلقه الاولي

بواسطة: اسماء ابراهيم  |  بتاريخ: 2013-06-23 ، الوقت: 12:03:28
  • تقييم المقالة:

كثيرا منا يشعر بأنه لديه رغبه ملحه في الذهاب الي عياده الطبيب النفسي و لكنه يجد الكثير من العوائق التي تحول دون تحقيق هذه الرغبه و ها هم ابطال روايتنا تخيلوا أنفسهم امام هذا الطبيب و جلسوا يتحدثوا مع انفسهم كما لو كانوا ذهبوا بالفعل حتي استطاعوا في النهايه الوصول الي سبب المشكله النفسيه التي تلاحقهم

الحلقه الاولي  عارف يا دكتور لما حد يكون كمالة عدد انا الحد ده , طول عمري من و أنا صغيره عمري ما كنت مميزه في اي حاجه مفيش حاجه واحدة تقدر تقول أني شاطره فيها يعني مثلا لا عمري كنت شاطره في الرسم زي ريم صاحبتي و لا صوتي حلو و بعرف اغني زي ليلي و لا اقدر الم اصحابي حواليا و اترشح رائدة الفصل و اكسب زي هاله و تصمت فتره من الوقت و كأنها تسترجع ذكرياتها و تعود لتتحدث و ابتسامه حزينه علي وجهها تعرف أنا مره قولت أقلد هاله و اترشح و اشوف انا فين من الي بيحصل حواليا تخيل مخدتش غير صوتي اتكسرت اكتر ساعتها حسيت أني صغيره اوي دا غير الدراسه كنت اتفرج علي اصحابي و هما بيجاوبوا مع المدرس و احس ان شكلهم حلو قلت خلاص دا الحل اذاكر يمكن اكون مميزه في النقطه دي صدقني كنت بفضل اذاكر و في الاخر مش بفهم حاجه مخي طخين وقدراتي محدوده زي ما ماما دايما كانت بتقول عني الي زمايلي بيذاكروه في ساعه افضل انا طول الليل اذاكر فيه و في الاخر الاقيهم احسن مني بقيت اكبر دماغي خلاص مفيش فايد.
حتي بعد ما اتخرجت مكنش في حد بيتقدملي محدش بيختارني , غير اصحابي الي كل يوم واحده فيهم جيالها عريس انت عارف أنا طول عمري كنت بتمني اطلع دكتورة كان نفسي اوي و تصمت برهه و تعود و هي تحرك رأسها بس أنت عارف الحمد الله أني مطلعتش دكتورة أنا مبسوطه أوي أنت عارف ليه, كان لا يزال يجلس الطبيب امامها و هو يرتدي نظارته الطبيه و يضع قدما علي قدم ممسكا ببعض الاوراق و قلم يقوم بتدوين بعض الملاحظات من كلام مريضته ليرد عليها ليه فرحتي أن أنتي مطلعتيش دكتورة؟ لأني لو طلعت دكتوره مكنش حد هيقرب للعياده بتاعتي كانت تنطق هذه الجمله و هي تطلق ضحكه مسموعه مش قولتلك يا دكتور عمر ما حد أختارني اشمعني المرضي هيختاروني , كده احسن اديني بشتغل و كل اخر شهر بقبض مرتب الحمد الله احسن من مافيش.
كنت علي طول بحس بالوحده البنات مع بعض و انا لوحدي بس اكتر حاجه كانت بتقتلني اني كنت بتكسف اوي من منظري و انا لوحدي و بحس ان الكل بيتفرج عليا و بيبصولي بنظرات سخريه و بيتهامسوا عليا و بيكلموا بعض عني و بيقولوا شوفوا لوحدها و محدش معبرها ازاي.
كنتي بتسمعيهم بيقولوا كده؟ لا بس كنت بحس بكده أنما في بنات أول ما تدخل مكان بيخلوه كله مرح كان نفسي اكون كده أوي , انا للاسف يا دكتور مثال حي للفشل فشل في كل حاجه .
بس انا مش شايف حاجه في كلامك توحي بالفشل الي انتي بتقولي عليه , بعد دا كله يا دكتور كل الي حكتهولك من و انا صغيره لحد دلوقتي.
أنا الي شايفه خيالات من صنعك بتهدمك و تحسسك بالعجز و النقص لكن أنتي محاولتيش محاوله جديه في حاجه و فشلتي يعني مثلا مطلعتيش دكتورة و فتحتي عياده و الناس مجتلكيش لا أنتي بتستنتجي كده و خدتيه امر مسلم به و حتي لما كنتي طفله صغيره مجربتيش أنك تغني و بعد كده اكتشفتي أن انتي صوتك وحش لا أنتي خدتي القرار أن ممكن يكون صوتك وحش فمحاولتيش و ريحتي دماغك من الاخر عشان تقولي انا كده كده هفشل حتي الانتخابات الي انتي بتستشهدي بيها الانتخابات دي بيكون ليها اسس معينه حتي لو كانت تخص اطفال يعني تلاقي صاحبتك الي نجحت منجحتش الا لما اشتغلت علي نفسها و فضلت تقنع الي حواليها بمعني اصح عرفت تعمل دعايه لكن أنا متأكد أن أنتي خدتي القرار فجأه من غير ما تعرفي حد عشان توصلي للنتيجه الي في دماغك و هي أن محدش هينتخبك و فعلا وصلتلها و بكده تقنعي نفسك بالفشل و متحوليش تكرري التجربه تاني سبحان الله كل حد بيتميز في شئ و بيختلف عن الاخر في حجات كتير علي أد مليارات البشر الي ربنا خلقهم من ساعة سيدنا ادم لحد دلوقتي لكن ربنا ليه حكمه في كده أن احنا مش شبه بعض من جوانا لكن الفرق بين الناجح و الفاشل أن الانسان الناجح هو الي بيحاول مره و اتنين و تلاته و مش بيستسلم بسهوله لحد ما يوصل لهدفه بيحاول يكتشف حجات في نفسه و ينميها لكن الفاشل هو الي بيستسلم لليأس و يخليه يسيطر عليه لحد ما يتحكم فيه و يحرمه من شرف المحاوله الي بتخلينا نوصل لهدفنا.
عارفه أنتي ايه عيبك الوحيد؟ انطلقت لترد بلهفه أيه يا دكتور , أن انتي مش مركزه مع نفسك علي طول باصه للي حواليكي و نفسك تعيشي في دنيتهم و تتقمصي شخصيتهم و نسيتي ان ممكن يكون عندك حجات كتير احسن من الي عندهم بس كنتي بتستسهلي تقلديهم سواء في عقلك الباطن او في الحقيقه
مشكلتك محدش هيقدر يحلها غيرك هو أن انتي تتصالحي مع نفسك و متفضليش ظلماها و تنعتيها بالفشل الدائم حاولي مره و اتنين و تلاته و في الاخر ربنا جعل لكل مجتهد نصيب.
المره الي جايه لما تجيلي عايزك تكوني اعدتي مع نفسك و حاولتي ترسمي حياه خاصه بيكي و بتبتدي تبنيها خطوه خطوه و نشوف مع بعض وصلتي لأيه.
انا مش عارفه اقول لحضرتك ايه يا دكتور بس انا حاسه اني ارتحت اوي من جوايا و حاسه اني ثقتي رجعتلي بنسبه كبيره, 
يبتسم الطبيب احنا لسه في الاول و ان شاء الله توصلي معايا للنتيجه الي بتتمنيها و هو ان يكون ليكي هدف في الحياه و تقدري تحققيه .


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق