]]>
خواطر :
قالوا الصبرُ علاج للآلام... فزادت صبرُ السنين للجراح آلاما...   (بلقسام حمدان العربي الإدريسي) . 

خليها تنفعك

بواسطة: احمد المليجى  |  بتاريخ: 2013-06-17 ، الوقت: 17:17:39
  • تقييم المقالة:

خليها تنفعك og

خلصت


والكلام فيها انتهى

 من يوم ما راحت لدولا

 
 اللى مش عاجبه يتله
ى

 
لكن النار فى القلوب بتزيد

 
ولساها متشوقة

 
لتنتهى الثورة على خير

 
والا الموت من حظها

يقولوا إسلامية

أكيد مش قدها

ناس مجانين يا قلبى

عايشين فى أرضها

لا عندهم حب  دين

 و لا حب لأهلها

أبدا مش اهل دين

لكن أعداء لها

لما يغرق ف الكلام

كلمة يتعلق بها

لكن يا ريته مرة

يا ناس يعمل بها

إسلامه فين قولوا لى

وهو بيباكل ربا  

ناس  زى دولا

يغنوا بها   ليه

هى دين بلدنا

الطيب شعبها  

بلاش إهانة ليها

 و اللى منها

صحيحدايمابيصبر

وهمومه يا تقلها

و لما تعلى موجته  

ما حد يردها

بلاش تخبوا شمسة

ما فيش أوضح منها

سيبك من تجرد و اللى عكسها

الثورة فى الحقيقة

الشعب قام بها

لا اخوانى مرة واحدة

عاش لأهلها

تفكيره وكل همه

ازاى يفوز بها

و اهى لما جات له

بقى من أهلها

يقتل فى قال له

حاتاكلها كلها ؟

نيجى ع اللى منه

يكفر أهلها

أكله حمام  وفتة

و آخر رحرحة

والناس فى حالة ضنكة

ميئوس منها

وناس تانيين يا قلبى

اهل منفعة

السلطة كل همه

والعيشة منجهة

كلامه فى العلالى

ولا شبكة مجمعة

مصالح يا نن عينى

فى وحدة مربعة

لو تختارها واحدة 

تلاقيها أربعة

فين الوحدة قولوا

أنا شايف مزرعة

يمين تلاقى بطة

و وزة مرحرحة

وشمال ناس وعايشة

ومش معبرة

 راضعين من أم جارة

ولجنة لاربعة

ف كل حتة فشلة

و حريقة منفعة

خلاص كفاية خطبة

مش دية مجدعة

لو قمت صحيح  بثورة

فاديها بمعلمة

جمع للبلد دى

خيرة أهلها

و سيبك م التعصب

 وانسى الأخونة

بلاش تبقى جبهة

خليها منوعة

اصدق فى كلامك  

وبلاش الفرقعة

و جمد ف الأمانة

وبلاش بعزقة

هى مش بتاعتك

ردها لأهلها

هى دى أمانة

ما حدش يمنعك

الشعب لو قام بثورة

ما حدش ينفعك

دادى الناس يا سيد

واديها حقها

ما تعملش فيها ريس

و تمص دمها 

أوعاك تتغر يا بنى

وتجرح قلبها

لو كنت ناوى تسرق

 سيبك منِّها 

 سيبك من دى صحبة

بكرة تضيعك

لو خفت يا صاحبى منهم

الرب يمنعك

أكيد من كل دولا

والشعب يشجعك

خلصت كل قولى

يا ريتك تفهمه  

أوعى لما أمشى

تقولى امسحه

كلامى وخلصت منه

مش جاى ألوعك

لو خدت منه بالك

ما حد يخدعك

آخر كلمة منى

يا ريتها تنفعك

لو كنت ناوى قتلى

أكيد مش أمنعك

لو خدت منى جسمى

روحى تلعنك

وكل حتة منى

بكرة تسألك

عملت ايه فى عهدك

لما كان متعك

خلاص يا بيه كفاية

ربى يمتعك

لكن ياريت تفكر

الآخرة تجمعك

كلام وقاله قلبى

أحيانا يوجعك

الشعب لو قام بثورة

فريقك ودعك

ياللا روح يا صاحبى

خليها تنفعك 


من ديوانى : عرب و اعراب 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق