]]>
خواطر :
متعجرفة ، ساكنة جزيرة الأوهام ... حطت بها منذ زمان قافلة آتية من مدينة الظلام...الكائنة على أطرف جزر الخيال...   (بلقسام حمدان العربي الإدريسي) . 

لبببببببه المثقفين بيتفلسفوا كتيييييييببر؟!

بواسطة: Hesham Elbitar  |  بتاريخ: 2013-06-01 ، الوقت: 09:06:03
  • تقييم المقالة:

سؤال دايما شاغلنى و مش لاقي له إجابه .....هو إنت علشان مثقف لازم تتكلم بطريقه فوق مستوى بقية خلق ربنا؟!.....أنا اللى أعرفه إنك مثقف معناها إنك تفهم الناس و تعرف تغير فى المجتمع ....... إنت مش مثقف علشان تحط رجل على رجل و تتكلم بكلام مش مفهوم لأغلب الناس ......إحنا فى مجتمع نسبة الأميه فيه عاليه.....لكن سيبك من الأميين ده حتى خريجى الجامعات  90% منهم ما بيعرفوش يكتبوا اللغه العربيه بطريقه صحيحه و بيغلطوا فى الإملاء ........ ده معظم خريجى الجامعات مش حيفهموك طيب بقية الشعب حيعمل إيه؟........و لو إنت مش بتكلم الشعب طيب بتكلم مين ؟....... بتكلم نفسك ولا بتكلم المثقفين اللى زيك؟...... إنت مش مهمتك تكون مثقف علشان تعيش إنت و اللى زيك فى برج عاجى ........ و تتبادلوا الآراء الفلسفيه و تتحسروا على التعليم و تدهور المجتمع و ما تحاولوش تفهموا الناس اللى مش فاهمه بلغتهم و لكن بفكركم ......... الأفكار لازم توصل للناس بلغتها و إلا ستصبح مثل الورق الذى كتبت عليه ........ يعنى أنا اللى بفهم شويه و أعتبر شبه مثقف أحيان بحتاج لثلاث أو أربع مرات علشان أفهم جمله معينه ..... يعنى مثلا جمله زى (إن السياسة الإنتقائية و الإقصائية التى تتعامل بها وزارة الثقافه قد أدت إلى إنسداد فى قنوات المعرفة و تمحور الوزارة حول كينونتها و عدم خروجها من شرنقتها إلى عامة الشعب) لو الكلام ده إنت كاتبه فى جريده مثلا فإنت كاتبه علشان الشعب يعرف إن فيه خطأ فى وزارة الثقافه إنت مش كاتبه علشان إنت تعرف أو المثقفين يعرفوا إن فيه خطأ فى وزارة الثقافه ....... لأن وزارة الثقافه معموله أساسا لنقل الثقافه لعامة الشعب و تحسين مستواه الثقافى .......... لكن واحد عادى بيقرأ جريده و ييجى عند مقاله فيها كلمات معقده كتير حيروح ناططها على طول ........ و تبأه المعلومه اللى إنت عايز توصلها له ما قدرتش توصلها فتبأه فاشل على الرغم من قوة حجتك ........ علشان كده أنا بحترم الكتاب الساخرين أمثال بلال فضل و يوسف معاطى و أحمد رجب و محمود السعدنى و يوسف عوف لأ نهم بيقدروا يوصلوا لقلب القارئ العادى من أقصر طريق.......... و بيقدروا يوصلوا له المعلومه التى يريدون إيصالها له و إقناعه بها أيضا لأنهم تكلموا بلغته.

سيدى المثقف ......... إنزل من برجك العاجى و تكلم مع الشعب مش لازم تتكلم معه بالعاميه ........ و لكن تكلم معه بلغة سهلة و بسيطة و حاول أن تفهمه بأبسط الطرق ........ إرفع من مستواه الفكرى و الثقافى دى هى مهمتك الأساسيه ........ و دى هى مهمة وزارة الثقافه اللى مش عارف هو دورها إيه بالظبط؟ ........... إنزل الجامعات و شوف كام واحد بيتابع مسرح غير مسرحيات الهزل ؟ وكام واحد بيقرأ شعر؟ و كام واحد يقدر يكلمك عن دانتى و أرسطو و أفلاطون و رينييه ديكارت و إبن خلدون و جان جاك روسو و ألبير كامى و فيكتور هوجو و جول فيرن ؟ و كام واحد قرأ لمحمود عباس العقاد و طه حسين و أحمد شوقى و المازنى و محمود تيمور ؟لقد خلقت مثقفا لتثقف الناس فإذا لم تستطع تثقيف طلاب الجامعات و هذا أضعف الإيمان فما هى فائدة ثقافتك .......... مجرد سؤال بسيط بيطرح نفسه بنفسه ماحدش بيطرحه........... و.......... عجبى!!!!!!!!!!




... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق