]]>
خواطر :
قالوا الصبرُ علاج للآلام... فزادت صبرُ السنين للجراح آلاما...   (بلقسام حمدان العربي الإدريسي) . 

أنا...............الفاشل الأكبر

بواسطة: Hesham Elbitar  |  بتاريخ: 2013-05-31 ، الوقت: 01:35:43
  • تقييم المقالة:

تقولى تكره إيه فى حياتك ؟أقولك أكره إنى أكون مختفى خلف قناع...........أكره إنى أكون مجزد صوره و إسم فقط لا غير.......و ما تعرفنيش غير إنى مجرد شخص بيكتب كويس أو وحش.........طول عمرى بحب كتابات يوسف السباعى و نبيل فاروق و أحمد خالد توفيق بس كان نفسى أعرفهم إنسانيا كويسين زى ما أنا متخيلهم ولا لأ........كان نفسى أعرفهم إنسانيا زى ما عرفتهم أدبيا........و ما دمت كلفت خاطرك و قرأت كتاباتى فمن واجبى إنى أعرفك بنفسى........أنا.........الفاشل الأكبر...........حد عمره شاف صراحه أكتر من كده........بس للأسف هى دى الحقيقه المؤلمه.........أنا المختلف عن كل من حولى..........أنا المزيج من كل التناقضات........ أنا برج الأسد بكل مزاياه  و عيوبه.............أنا من لا أثق بنفسى و فى نفس الوقت أشعر أننى الأفضل........أنا من أحب بعنف و أكره بقوة..........أنا الصريح الذى يستطيع الكذب بجداره.......... أنا من أكره العنف سريع الغضب شديد العناد لا أقبل النصيحه حتى و لو كانت لمصلحتى إذا شعرت أنها تدخلا فى شؤونى.......... أفقد السيطرة على أعصابى إذا شعرت أن هناك من يتحدانى أو يحاول أن يسلبنى حقى.......... أقبل الضحك و الهزار لأقصى درجه و لكن إذا شعرت للحظه أن هناك من يسخر منى عن جد تكون المصيبه و أتحول لبركان غضب فى لحظات......... أنا من لا يستطيع السيطرة على لسانه عند الغضب ............. أنا غاوى الفلوس و الشهره و الجمال.......... و للأسف لا أملك منهم شيئا............. أنا من أكره السلطة لا أريد أن أتحكم فى أحد ولا أن يتحكم فى أحد.......... أنا من كرامته فى مناخيره لا أقبل الخضوع و أعلم أننى لست أقل من أى شخص بل أشعر دائما أننى الأفضل و لكنه الحظ .......... لا أتعالى أبدا على أحد ولا أقبل أن يتعالى أحد على.......... لا أهتم بمظهرى ولا ملبسى و أشعر أنها أشياء تافهة ولا تستحق....... تستطيع أن تسيطر على فى لحظات بالكلام الهادئ المعسول و يا سلااااااااام لو قعدت تمدح فى شخصى المتواضع حتاخد عينيه رغم إنى ممكن أكون عارف إنك بتشتغلنى بس مش مهم........ ما عنديش حلول وسط يا أبيض يا إسود ............. ما أعرفش أنافق و ما بصاحبش حد علشان مصلحه لأن أنا بصراحه كده مش عايز حاجه من حد ........... بحب أهلى جدا و ماليش أصحاب الأسره عندى أهم من الصداقه........... ما أعرفش أعمل علاقات مع الجنس الناعم رغم إنى برتاح فى التعامل معهن أكتر من الرجال لأان ليس فيهن قسوة الرجل لكن دايما خجلى هو اللى بيمنعنى و عدم ثقتى فى نفسى لأنى شكليا مش فارس أحلام أى بنت مش وسيم بس مش دميم و تخين بس طولى كويس و مظهرى الخارجى ما بهتمش بيه يبأه أى واحده حتبصلى على إيه فأنا مكبر دماغى من المواضيع دى لأن كرامتى ما تسمحليش إنى أترفض ....... أعترف إنى حساس جدا لدرجة إنى ممكن أبكى من أغنيه وطنيه أو  مشهد رومانسى علشان كده بموت فى الأفلام الهندى علشان بتدينى جرعة رومانسيه و بصراحه أنا شخصيا ما بتكسفش من البكاء و شايف إنه عادى و إن الراجل اللى ما بيبكيش بيكون إحساسه ضعيف و إن الدموع ليس لها علاقه بالرجوله.

انا .......الفاشل الأكبر الذى لم يحقق أى طموح فى حياته رغم إحساسى  بأننى المفروض أكون فى مكانه أعلى مش متخيل إنى أخرج من الدنيا زى ما دخلتها من غير ما أحقق حاجه فيها مجرد إسم زى ملايين الأسماء العدل إنى أذكر فى التاريخ مع العظماء بس إزاااااااااااااى ما أعرفش ........... أتمنى الموت من كل قلبى فلا شئ أعيش من أجله و فى نفس الوقت أنا ما عملتش حاجه لربنا علشان أقابل الموت و أنا مستريح بحب دينى و ربى و رغم كده ما بأديش واجباتى الدينيه و نفسى ربنا يرحمنى و يغفر لى و يكتبلى الشهادة فى سبيله و يكتبلى إنى أحارب إسرائيل و أحرر القدس و أموت شهيد ............. آمين يا رب العالمين.

أنا ........... الفاشل الأكبر و هى دى حقيقتى و كده تبأه عرفتنى كويس .............. أنا كده مستريح علشان ما أحبش حد يتخدع فيه لأن ممكن يرسم لى فى ذهنه صورة مش حقيقية .......... دايما أحب أكون باين على حقيقتى يكره النفاق و الخداغ و بكره أكون مجرد صوره و إسم و ................. شكرا (هشام البيطار).


« المقالة السابقة

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق