]]>
خواطر :
الحياة الدنيا مثلها امرأة ، تراها من بعيد جمالا براقا لتكتشف أن كل شيء فيها مصطنع ... من رموش العين إلى احمرار الخدين والشفتين إلى طاقم الأسنان الناصع البياض...   (بلقسام حمدان العربي الإدريسي) . 

برنااااااااااااااااااامج اللا برنااااااااااااااااامج

بواسطة: Hesham Elbitar  |  بتاريخ: 2013-05-29 ، الوقت: 14:08:48
  • تقييم المقالة:


سيداتى آنساتى سادتى أهلا بكم فى برنامجى اللى هو مش برنامجكم برناااااااااااااااااااااااااااااامج اللا برناااااااااااااااااااامج .........و أحب أعرفكم على برنامجى و أقولكم إنه برنامج مش ممكن يفيدكم بحاجه.......لا معلومه مهمه ولا خبر مفيد بس أوعدكم إنى حتريق على خلق ربنا على أد ما أقدر.....تقدروا تقولوا على برنامجى إنه مجرد مسرحيه هزليه بس أنا مسرحيتى مش زى أى مسرحيه أنا مسرحيتى مش لكل الجمهور أنا جمهورى محدد و معروف هو إما جمهور سطحى ما بيفكرش كتير و بيصدق أى حاجه تتقال له أو جمهور هواه على هوايا و أهدافه هى أهدافى  أو جمهور عايز يضحك على أى حاجه و خلاص.

 

بس أحب أحذر الناس اللى بتعرف تفكر كويس أو اللى ما لهاش أهداف معينه إنها تتفرج على برنامجى.........علشان من الأول كده و بالصلاة على النبى مش ناقص حد يقول لى إنت بتجيب فيديوهات كلامها ناقص منه حته و خارجه عن السياق أو إنت أوقات بتتريق على حاجات تافهه و ما لهاش معنى و ولا بتودى ولا بتجيب أنا عارف كلام الناس المثقفه اللى بتشغل دماغها دى و اللى ما عندهاش أهداف خاصه بيها علشان تقعد تهللى على الفاضى و المليان.........الناس دى و النبى تبعد عنى و تسيبنى فى حالى أنا عندى أهداف عايز أحققها و أنا مسؤول عن ناس كتير مستفيده من ورا المواضيع دى ده غير طبعا الفلوس اللى زى الرز و الشهره يا جدعان و بلاش الناس دى تقطع رزقى أحسن أدعى على أى حد يحاول يفهم الناس حقيقتى و يحاول يقطع رزقى ........و كل ده كوم و التكريمات اللى بره كوم تانى إنتوا فاكرين التكريمات دى حاجه ببلاش كده أيووووووووووووووه يا جدعاااااااااااااان دى كلها فوايد و رزق جاى من وسع و ده يتبرعلى من هنا و ده يشهيصنى من هتا و آهى ماشيه و بترزق.

أما التريقه بأه فهى على أى حد من أكبر كبير فى البلد دى و إنت نازل على تحت لأ ومش كده و بس لأ و على البلاد اللى جنبنا كماااااااااااااااااان و ما تقوليش بأه عيب عليك و العلاقات الدبلوماسيه و الأخوه و العروبه و مصلحة البلد و الكلام الكبير اللى ما بيأكلش عيش حاف ده بلد مين يا أبو البلد هو أنا لو كنت بفكر فى مصلحة البلد كنت عملت كل ده بصراحه إنتو طيبيين أوييييييييييي  و يتضحك عليكوا بسهوله......و ما حدش و النبى يقولى بلاش إسفاف و كلام جارح و حرام و عيب إنتوا شايفين الناس اللى بأجرها فى برنامجى بتقعد تضحك إزاى على الكلام بتاعى دى طريقة ضحكهم لوحده جنايه و يا جمااااااااااااااااااعه اللى خايف على مراته أو ولاده من الألفاظ بتاعتى دى ما يفرجهومش على البرنامج بتاعى  و بينى و بينكم هو مش خسران حاجه بالعكس ودانهم حتبقى نضيفه و ما فيهاش تلوث سمعى .

بس إوعى تفتكر إنى ما عنديش حدود ممكن توقفنى لأ يا صاحبى أنا فى ناس ما أقدرش آجى جنبهم و لو عملوا إيه باللذى زى صاحبى المعلم الكبير أوى البرعى باشا أو الباشا الكبير أوى الوزير السابق عمر باشا عيسى أو المناضل الكبير حبيبى و حبيب العشرات حمدى باشا صبحى لأ يا عم ما توقعنيش مع الناس الذوق دول ده أنا خيرى كله منهم و إليهم .....و بصراحه كده يا جدعان لو إحققت أحلامى و حصل اللى نفسى فيه و الكبير وقع الناس دى حتنغنغنىى أكتر ما أنا متنغنغ و حيعتبرونى راجلهم رقم واحد و البليه حتلعب ...........بس فى مشكله لو الكبير وقع و قلبوا على بعض و ده أكيد لازم يحصل أقف مع ميييييييييين ضد مييييييييييييين؟! مشكله عويصه عايز أمخمخ لها و أتكتك لها بس أكييييييييييد مش حغلب ألاقى اللى مصلحتى معاه بس إنتوا إدعولى يا جدعان.

بس سؤال:- هو انا فضحت نفسى كده ليه؟أكيد حد من أعدائى شربنى حاجه أصفرا الخووووووووووونه عموما إتفرجوا على برنامجى اللى هو مش برنامجكم برناااااااااااااااااااامج اللا برناااااااااااااااااامج مع حبيبكم باسل يونس و أقعدوا بالعافيه.


« المقالة السابقة

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق