]]>
خواطر :
اسقيني كاس من رحيق ذكرى وجودك ... لا تتركيه يجف ،كلما جف الكأس ازداد الحنينُ...و لا يطفي شعلة الفؤاد سوى كأس الحنين...   (بلقسام حمدان العربي الإدريسي) . 

هل أصبح الشعب المصري بلا عقل ؟!!!. بقلم سلوي أحمد

بواسطة: سلوى أحمد  |  بتاريخ: 2013-05-17 ، الوقت: 08:23:11
  • تقييم المقالة:

من سنتين ونصف كان الشعب يعاني من بعض المشكلات اللي كان ا\أبرزها البطالة وإرتفاع الأسعار و انتشار المحسوبية وكان بيطمح إلي الأفضل في التعليم والصحة وغيره ، لكن في نفس الوقت كان يعيش في وطن آمن مستقر يطمئن فيه علي حياته وحياة ابنائه ، مكنش بيخاف أنه يخرج لعمله او يخاف علي ابنائه لما يروحوا مدراسهم مكنش حد بيكفره كان بيصلي ويصوم ويعمل اللي يقدر عليه , كان عايش في بلد فيه قانون وعلي رأسه راجل حكيم قدر يحافظ عليه وعلي شعبه وعلي جيشه قدر يحقن دماء ابنائه ويصون أعراضهم قدر يحافظ علي وحدته كان بيعمل كل اللي يقدر عليه علشان يوفر للشعب حياة أفضل . وفجأة خرج مجموعة من الشباب إلي الشوارع بتطالب بالحرية والعدالة الاجتماعية وفجأة بدأت الناس تنضم ليهم وبدأ المطالب تتصاعد الي ان وصلت إلي المطالبة باسقاط النظام وقد كان وسقط النظام ولكن للاسف لم يسقط النظام فقط بل سقطت الدولة .

الناس مشيت ورا كلام الشباب مشيت ورا كلام النخبة مشيت ورا الاعلام المضلل باعت عقولها بدأت تردد الكلام مثل الببغاوات دون ان تمرره علي العقل سمح الشعب لهؤلاء بان يجعلوا منه كرة تتقاذفها اقدامها يمينا وشمالا فمرة مبارك عميل وقتل ابناءكم ولازم يتحاكم  يبقا لازم يتحاكم ومرة العسكر عايزين يستولوا علي السلطة ولازم يسلموا الحكم يبقا العسكر لازم يمشي ومرة ادوا اصواتكم لمحمد مرسي علشان لو شفيق هو اللي فاز هيرجع النظام القديم ولازم منديش فرصه للفلول اللي بيقودوا الثورة المضادة يبقا كمعلون ابو الفلول علي اللي بيمثلهم ندي الاخوان .

ولما الاخوان مسكوا الحكم لقينا نفس اللي نادوا بانتخابهم نفسهم بيطالبوا الناس باسقاطهم نفس اللي اللي قالوا منتخبوش الفلول بيقولوا يا ريتنا انتخبنا الفلول سامحونا احنا غلطنا والغريب ان الشعب برضه بيصدقهم ويمشوا وراهم الغريب ان الشعب لسه بيمشي ورا النخبة ورا الشباب وورا الاعلاميين الغريب انه مش عايز يشغل عقله مش راضي يبص لحاله وصل لايه ، من سنتين كان بيعاني من مشكلات وبيطالب بمطالب النهاردة بيعاني من كوارث ومصايب بلد منقسم ومفتت فوضي وقتل وسرقة وانتهاك اعراض قطع ارزاق وبلد فقد امنه واستقراره وبدأ يعود ليه الارهاب من جديد بلد ما فيش حاجة فيه سلمت من الخراب والضعف بلد فقد هيبته بلد بقا كل هم اللي ماسكين السلطة فيه الاقتراض من صندوق النقد الدولي بلد بقا بيستلف من قطر بلد مستني حماس ترجع جنوده وتحمي امنه الوطني بلد انهاراقتصاده وتوقفت كل قطاعاته بلد اغلقت مصانعة وتدهورت خدماته بلد بيلعن الشعب المغيب اللي فقد عقله ومبقاش بيفكر .

 فإلي متي يظل الشعب بهذا الحال الي متي يظل منساق مرة مع تمرد ومرة مع تجرد ومرة مع معرفش ايه ؟ إلي متي هيفضل يمشي ورا عقول الاخرين بدل من محاسبتهم علي ما اوصلوه اليه ؟ متي سيستخدم الشعب عقله ليدرك ان كل ما حدث ويحدث من 25 يناير الي اليوم هو مؤامرة لهدم الوطن ؟!!!


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق