]]>
خواطر :
رغم إني أخاف من الغرق ، عقدة تلازمني منذ الصغر...أتمنى الغرق في بحر ذكرى هواك...   (بلقسام حمدان العربي الإدريسي) . 

اخلاق مصرية

بواسطة: George Melkonian  |  بتاريخ: 2013-05-13 ، الوقت: 17:20:52
  • تقييم المقالة:

اخلاق مصرية:::
يتصف الشعب المصرى بمجموعة من الصفات الاخلاقية الفولاذية الهلامية الفذلوكية المخطوطية الملطوطية المزلوطية الكستنائية التاريخية العالمية الدوائية العلاجية الفنية الهندسية الطبية الفلسفية القوية المتواضعة الخاضعة الثائرة الفائرة الحائرة الخائرة الطائرة السائرة الحاضرة الغائبة الظاهرة القاتلة الرائعة .........(كفاية كدة عشان تعبت)
كنا قاعدين فى السكن وحكى احد الاصدقاء هذة القصة التى حدثت فى قريتة ومن اشخاص يعرفهم وتدل حقا على اخلاقنا المصرية الرائعة ال................(الكلام اللى فوق كلة)
كان فى مجموعة شباب بيلعبوا كورة على فلوس وكل يوم بيسهروا يلعبوا كورة ويقسموا فرق وكدة والفريق اللى بيكسب هو اللى بياخد الفلوس
وكان فى فريق معروف هو غالبا الى بيكسب وكان فى لاعب (طول بعرض عملاق) هو كابتن الفريق ومع هذة الضخامة كان رشيقا سريعا هدافا .......وكان فى واحد من اللى كانوا بيلعبوا معاهم رفيع هزيل (بعص) ذى مابيقولوا كدة والراجل دة كان متجوز وطبعا بعد الجواز صحتة انحدرت اكتر وبقى اقل شوية جرى (يفرهضوة) طبعا كان كل شوية يخسر هو والفريق بتاعة وكان الواد الجامد اللى فريقة بيكسب يقعد يعايرة ويذلة ويتريق علية وفى يوم كانت الرهانات كتيرة شوية والراجل المتجوز جى من البيت قرفان من نفسة ومن مراتة ومش طايق نفسة ولا طايق حد وذى كل مرة خسر الرجل المتجوز هو وفريقة وكسب الراجل الضخم وقعد ذى كل يوم صاحبنا الجامد اللى بيكسب دايما يغيظة ويعايرة راح الراجل المتجوز مرة واحدة وبدون اى مقدمات طلع مطوة وغطة فى رقبتة (يعنى لا هوش ولا شوح بالمطوة ولا حتى هددة بيها لا دة ساب كل جسمة وكل طولة دة ومالقاش غير رقبتة وغطة فيها .....مقتل...) .......هههههههه........لا وماطلعهاش دة سابها متعلقة فى رقبتة (اكسسوار يعنى)
طبعا الراجل الضخم لانة قوى ما ماتش على طول كدة
 الغريبة انة مسك قالب حجر كبير وطلع يجرى ورا الراجل المتجوز والمطوة مغطوطة فى رقبتة وهو عايز يفتح راسة بالحجر الاتنين طلعوا يجروا ورا بعض ذى توم وجيرى لحد ما الشاب المغطوط نزف كتير فوقع على الارض وابتدى يموت ولما الراجل التانى شاف منظر صاحبة اللى هو غطة......هههههههههه...ظهرت شهامة المصريين الحقيقية فطلع يجرى علية وخدة فى حضنة وقعد يبكى علية وشالة على كتافة ووداة المستشفى على اساس انة ممكن يعيش بعد دة كلة ..................وهى دية فعلا اخلاق الشعب المصرى التى لا مثيل لها
جورج ارا ارام


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق