]]>
خواطر :
شُوهد كلب (أكرمكم الله)، في فصل البرد يلهثُ... تعجبت منه البهائمُ، كيف يكون الحال في فصل الحرُ...أجاب الكلب، لذلك الحال أنا من الآن أتهيأ...   (بلقسام حمدان العربي الإدريسي) . 

واحد وعشرين طلقة .. لكل من مات شهيد

بواسطة: ميشيل بولس يعقوب  |  بتاريخ: 2011-09-28 ، الوقت: 15:34:15
  • تقييم المقالة:

واحد وعشرين طلقة.. لكل من مات شهيد

واحد وعشرين طلقة لمريم وأحمد وجرجس وسعيد

خلاص ..

انفض المولد وكله سافر بعيد

فضى الميدان .. وادينى راجع ع الصعيد

بس راجع لوحدى ..

من غير ولدى سعيد

                      واحد وعشرين طلقة.. لكل من مات شهيد

حأقول إيه لأمك؟!

حأقول إيه لفاطمة؟! .. ولدك مات

حأقولها عمرك اللى جاى راح .. واللى فات

درعك .. وحامى أرضك وعرضك ..مات

لا ..

حأقولها ولدك شهيد

                       واحد وعشرين طلقة.. لكل من مات شهيد

احكى لمرتك إيه؟!

طلقة واحدة خدت ولدى.. وحبيبك

طلقة واحدة خلت لبس السواد نصيبك

طلقة واحدة..

لا..

حأقولها قناص ..قلبه من نحاس..لا من حديد

خلى ولدك .. يتيم

                      واحد وعشرين طلقة.. لكل من مات شهيد

  صوت الطلقة فى ودانى .. حرق قلبى قبل صدره

عرفتنى ان النهارده..

 قبر امى وابويا حيزيد عضم جديد

صرختك يوم ولادتك يا ولدى عشمتنى فى بكره

لكن صرختك المرة دى يا ولدى ..

 عرفتنى انك شهيد

                      واحد وعشرين طلقة.. لكل من مات شهيد

يا صرخة الشهيد

قولى للخلق تمن الحرية.. غالى

 مش راح اقطع من تانى لسانى

حتى لو ولدى..  راح يعاود تانى

مش خسارة فيها ولدى.. مش خسارة فيها دم ألف شهيد

يا صرخة الشهيد

كونى راية حمره .. بلون دم الشهيد

كونى سيف من حديد

يشق كل الحلوق يرفع رأسى لفوق.. يقطع للظلم كل أيد

كونى وتد .. اتسند عليه من جديد

 

                      واحد وعشرين طلقة.. لكل من مات شهيد

 

بقلم / ميشيل بولس

28/9/2011


« المقالة السابقة ... المقالة التالية »
  • Michel Silman | 2011-10-02
    اشكرك ، صديقتى الرقيقة الغالية طيف.
  • طيف امرأه | 2011-10-01
    أهزوجة رائعه بدم الشهيد
    زغرودة للوطن ,,
    وفرحة ام رغم كل المحن
    كل كلمة مرت هنا رحلة عبر الزمن
    الراقي ميشيل كانت تلك كلمات رائعة ,, وانشودة بلغة محببة للقلب
    جميلة تلك الصور التي عرضتها في تلك الاهزوجة ,الوان اثارت وابدعت بمزجها هنا
    نقلت الواقع لمسرح صغير فابدع الحرف الوصف سلمت ميشيل
    دوما انت مبدع وراقي
    طيف بتقدير

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق