]]>
خواطر :
شوهدت ذئاب على أطراف الوديان في فرائس تتحينُ ...مرت عليها البهائم وهي تتعجب... ردت الذئاب على البهائم ، لما العجبُ لولا الفرائسُ لما وُجدت الذئابُ...   (بلقسام حمدان العربي الإدريسي) . الحياة فصول .. جلوسنا لدقائق , لا يعني إحتوائها تماما هي دقائق نتأملها ..لا غير.   (طيف امرأه) . 

قصيدة يوميات فلاح الثورة

بواسطة: ياسر شرف  |  بتاريخ: 2013-05-02 ، الوقت: 11:54:27
  • تقييم المقالة:
قصيدة يوميات فلاح الثورة ================

فلاح وفاسى فى ايديا                         يومياتى بزرع حوليا      

وانزل فى غيطى كل صباح                  فى الفجر وانا بالى مرتاح

افرش سماد ومعاها سباخ                     تقوى  ارضى و بكده ارتاح

وازرع تقاوى خضار وخيار                 والفاكهة تطرح على الاشجار

ولا لحمة تيجى من الجزار                   ده انا عندى عجل وجدى كبار

وجاموستى احلبها بايديا                       لبنها قشطة وجبنة قريش

يكفوا عيلتى وحواليا                           من غير ما ادفع ولا مليم

وقمحى اطحنوا بايديا                          واخبز فى فرنى فايش والعيش

فراخ وبط ووز وديك                          وبيض ومش حمام بفريك

وفجاة تنقلب الاحوال                           والى فى يمين يبقى فى شمال

وثورة قامت على الاوضاع                    عشان حياتنا فى ضياع  

العيش طابور بالخناقات                        والزبدة ساحت من الستات

واللحمة غليت بالجنيهات                       وفراخ بتتخن بهرمونات

وسولار حيبقى بالكوبونات                     وسماد بيغلى عشر مرات

والارض عطشانة للمية                         وبيوت بتطلع حواليا

ما احلاها عيشة الفلاح                          عبد الوهاب غناها زمان

دلوقتى خلوا عيشته هباب                        يزرع خيار يطلع قلقاس

ونشوف تظاهر مع اعتصامات                  ولا حد بيلبى الطلبات

والارض لو عطشانة                             نرويها بدمانا

والصبر لو عدانا                                  ثورتنا تبقى امانة

ده النيل بيجرى فى عروقنا                       نحميه من مصر لااثيوبيا

 مع تحيات الفقير الى الله ياسر شرف- كبير محررين مترجمين بقطاع الاخبار- الاذاعة والتلفزيون YSHARAF37@GMAIL.COM- 01005285578

 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق