]]>
خواطر :
انساك ! ده كلام ؟... اهو ده اللي مش ممكن ابدا...   (بلقسام حمدان العربي الإدريسي) . 

رباعيات ( ورقة بوسطه)

بواسطة: ميشيل بولس يعقوب  |  بتاريخ: 2011-09-26 ، الوقت: 17:06:42
  • تقييم المقالة:

طابع بوسته عليه صورة علم

بيحكى حكاية عذاب ..قصة ألم

شعب طول عمره دمه حبر القلم

اللى اتكتب بيه التاريخ منذ القدم

               ********

من ايام ناصر.. وعرابى ..ونديم

لا لا من قبل كده ..من ايام الفراعين

وعدى عليه.. سنة و الف .. و الفين

ولاده النهارده بيرفعوا علم غير العلم

              *********

فاكرين مصر شلة خيط مشدوده

عمالين يحلوا فى خيطها .. وخيوطها معقودة

مشغلين فيها الابرة رايح جاى

علشان فى الاخر يعملوا لنا .. عمة مسدودة

              ********

هيه ايه ؟! دقن سوده وجلابية بيضاء والسلام

وننط على الثورة ونبقى الحكام

هيه الحكاية .. رفع رايه ؟

واقول انا ومن بعدى الطوفان.. يا سلام!!

              ********

شوفوا .. قطة بتموت بتأكل عيالها

وصقر مأسور.. بيدبح نفسه

ومصرى .. بيرفع علم تانى

راضيها على ولاده وعلى نفسه  

             *********

ناسيين حكاية العلم .. قصة الالم

ناسيين نصر اكتوبر.. وانتصارنا فى حطين

ناسيين ان الارض دى عدى عليها ملايين

لكن هى فى الاخر لولادها الطيبين.. اقباط ومسلمين

             *********

وعجبى..

عجبى على زمن ماتت فيه النخوة من غير خناجر

والشرفا فيه خرسوا زى ما يكونوا من غير حناجر

 

 

ميشيل بولس

26/9/2011

 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق