]]>
خواطر :
اسقيني كاس من رحيق ذكرى وجودك ... لا تتركيه يجف ،كلما جف الكأس ازداد الحنينُ...و لا يطفي شعلة الفؤاد سوى كأس الحنين...   (بلقسام حمدان العربي الإدريسي) . 

** ( في ضِل الشمس متعمم ) **

بواسطة: عمرو ابراهيم سيد أحمد مليجي  |  بتاريخ: 2013-04-28 ، الوقت: 20:15:03
  • تقييم المقالة:

** ( في ضِل الشمس متعمم ) **
....................................

ناس مش عارفه تتكلم
فتتألم
وسايبه حظها يسلم
على الاشواق
وناس مروية بالراحة
في كام واحة  
وقاعدة بتسرق الساحة
ولا أخلاق
وناس منبعها فـ الحتة
وبايعة ضميرها بالحتة
رضا وخناق  

وانا لسّه قليل الفكر
بتعلم ، ومتحشم
باقول الآه في افراحي
واقول الآه فدا جراحي
ونفس الناس
بتتكلم ، وبتهمهم  

تجيب من بكره لمبارح
وانا سارح
في ضل الشمس متعمم
ومتكمم
لا انا قادر اعلمهم
ولا قادر اعممهم
عشان ارتاح

وناس تانية  
في كام ثانية
تخلّي القلب ديب جارح  
عشان ترتاح

وناس مني ، وانا منها
تلملم حلمها الضايع
وتحبس دمعها فـ عينها
وتدعي ربنا يصونها
مسا وصباح

يا ست الكل يا بلدي
يا ناسية فـ حسبتك ولدي
و طابعة الحلم فـ قلوبنا
وناسية اننا شبنا
من الحرمان
انا منفعش قبطانك
وموج البحر سلطانك
ولا ينفع اكون سجان

انا امبارح
وانا بكره
بصون الحلم بالكلمة
 وفـ الفكره
انا منفعش ولا حاجة
بس ينفع اكون انسان

...........................
عمـــ المليجي ـــرو
مصـــر 28/4/20103


... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق