]]>
خواطر :
ما الحياة الدنيا إلا أمواج في مد و جزر مستمر... أرحام تدفع و تراب يبلع...   (بلقسام حمدان العربي الإدريسي) . 

يوميات سباك الثورة

بواسطة: ياسر شرف  |  بتاريخ: 2013-04-22 ، الوقت: 10:40:01
  • تقييم المقالة:

سباك دى مهنة و فى ايديا                                    تغنى الفقير و تملى عينيا

وعملت عقد مع المية                                          تكسر سافون او حنفية

او حتى بلاعة فى شارع                                        يمكن وزارة الداخلية

ما هو الحظ لما يواتى                                           يخلى عبده مسلكاتى    

وبسرعة يجروا يرنولى                                         واقول يا ناس استنونى

افرك وافتح فى عيونى                                           و اظبط دماغى دوشتونى

لسه اصطباحة وتاخدونى                                        واكشف بدقة وبالمنظار

والسعر يغلى ويصبح نار                                         والناس تسهم ساعات تحتار

ويقولوا مبتذ وجبار                                                وفجاة ثورة فى كل مكان

وقلت لو ينعدل الحا ل                                              مواسير مجارى وبلاعات

واخلاق تضيق وكمان خناقات                                    والكل ساسة على الكافيهات

ولو قلت اجرة تسليكات                                            يناهدوا فيا ساعات وساعات

عيش حرية عدالة اجتماعية                                      او حتى طعمية وبصارة بالتقلية

حوارات وهيصة واعتصامات                                     فى كل زنقة وفى كل حارات

ولو قلت صبرا يا اخوان                                            يقولوا بينى وبينك الميدان

خراطيش قنابل وانفجارات                                          يارب لطفك على العباد

سدد وضيق فى خلق الناس                                        عايزين سباك اصل انا محتاس

وسالت نفسى بس سؤال                                            قبل وبعد الثورة كمان

لوقلت قبل بحب الفول                                                يقولوا رجعى واصلى فلول 

ولو قلت بعد اشرب دخان                                           يقولوا خاين ومن الاخوان

ولو قلت جبهة انقاذ                                                  يقولوا ليبرالى ومتغاظ

ولو قلت تسيبوا لى الكنبة                                           يقولوا سلبى مافيش بركة

فتنة سياسة وفتنة دين                                             اقباط يا عالم مصريين 

هو الربيع يعنى تقسيم                                              فى عرف مين ياامريكيين

عراق وسوريا وكمان لبنان                                       ومصر تونس ليبيا كمان

بالوحدة تنهض الاوطان                                            قوة وعزيمة عرب ثوار

من شهداء ثورة 25 يناير مع تحيات الفقير الى الله ياسر شرف- كبير محررين مترجمين بقطاع الاخبار- الاذاعة والتلفزيون YSHARAF37@GMAIL.COM- 01005285578

 

 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق