]]>
خواطر :
ما الحياة الدنيا إلا أمواج في مد و جزر مستمر... أرحام تدفع و تراب يبلع...   (بلقسام حمدان العربي الإدريسي) . 

منشور مسرحي

بواسطة: جمال بعلي  |  بتاريخ: 2013-04-18 ، الوقت: 20:10:33
  • تقييم المقالة:

 


قال بهلول القبي ...
الهامة ركبت العيفة ..ومشات بخط رمل مرسوم بحيلة..الناس ماشيا بالقنطة ..الصمت ملفوف عصابة ..
وعصابة داير حلقة تنهب في التركة ..والمتروك على باب الحانوت جيوبوا خاوية ..

جا حسونة ..بفنجان قهوة ..قعد على العتبة في الدار الرايبة ..
قال ..يا القبي ..كاشما كاين ..العقل راه تعبان ..
القبي ضحك ..وقال ..
حسونة تحسب بلي الكيف الي يسطل ..عقلك الى مسطل ..الدوخة حطيتها تاتر فينا ..
احنا بلا كيف ..رانا عل الكيف ..ورانا كيف كيف ...

حسونة خرج الملفوفة ..ورماها للقبي ..
وقال ..شعل خليها ..تشعل
القبي شعل للملفوف ..جبد جبذة ..بلع الدخان كتم الصوت وغمض عينيه ..
حركو حسونة خاف يكون مات ..
تبسم القبي ..
حسبتني مت ..كي احنا نموت كيف يكون عالم الغنيا والمرفهين وجاج البرلمان
يا خويا خيطوه ..مرتب ..مسبط وعندو واش يقول ..
وقف القبي ...وكانه يخطب ..
الحكومة دارت كلش ما كانش حاجة مادارتهاش ..واش بقالها تدير ..خلصت ..
الحكومة غلبانة ..تدين باش تعيشكم ..وتلبسكم ..
اجلس القبي ..بصح احنا عرايا والجوع جاع منا ..الراجل منا /هم/ ولادوا ..والنساء نسات ..
حسونة شاف للقبي ..اترك المحبوس يروح
القبي ..ضحك وقال ..كاشما محبوس يروح ..لا عندك غير شعل الي عندي محكوم عليه بالمؤبد ........
يتبع
 
« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق