]]>
خواطر :
الحياة الدنيا مثلها امرأة ، تراها من بعيد جمالا براقا لتكتشف أن كل شيء فيها مصطنع ... من رموش العين إلى احمرار الخدين والشفتين إلى طاقم الأسنان الناصع البياض...   (بلقسام حمدان العربي الإدريسي) . 

لوحة مسرحية غير منتهية

بواسطة: جمال بعلي  |  بتاريخ: 2013-04-11 ، الوقت: 18:48:49
  • تقييم المقالة:

حال لبلاد ما يعجبش غير الهف ولخطيف الي بغى يعيش وكريف يقطع النيف الدنيا عقايب وناس لخفيف داروا الطريق في البحر وعداو باعوا لكلام وصرفوا الأموال باش يدخلوا شركاء في التسييس ..والتبليس ..تعلموا فن التهتريف ..قول الشعب يصدق من لي كلش بح والفم جاع ما لقى اللقمة ...صبح يشوف وما يقدر يدير واوا ..قالوا لعرب ..ادا جاع الأنسان يندل ..وادا تسيد عليه الي ما عندو مروءة باعوا في سوق الخردة ولى زايد بيه
وقف بين الجموع ..حوله حرس ونساء ..وغلمان ..
يا شعبي الحلو انا ما نكذبش عليكم ونقول ندير انا في الحقيقة ما ندير والوا انا جيت على خاطر الي قبلي ما خلاو فيها والوا ..انا جيت نبيع ونقسم ..
ضحك بودربالة ..وبصق
واش تبيع راهي خالية ..
قال حمودة الريس..
هدا راجل ..قدم قدم ما تخافش . سجلوا اسموا ..هدا مكانوا ماشي هنا ..او الراس محنة ..
في الحقيقة البلاد ما بقالها ما تمد مدت كثير ..
صوت ينبعت ..
تنهبت كثير ..
واشمن جاء وكلى ..
خلى لولايا في حيرة ..
قال حمودة الريس انا منكم ديروني واحد منكم ..
خرجت من الجموع عجوزة ..وقالت
انا ما خلصونيش ..ماعطاونيش القفة قالوا الي يجي يدي قفة انا جيت ندي القفة ..
تعالت الضحكات ..والتصفيرات ..
وعلى صوت مدوي القفة القفة ...
حمودة قال ..شويا سكات ..
اطلق الحرس طلقات ..
عما السكات
ومات حمزة الأسكافي من طلقة طايشة ..طأطأ الشعب راسوا ..
حمودة قال ارفع راسك ابا ..
الرؤوس منحنية ..
حمودة قال هدي الطاعة ولا خلي .. نحبك يا شعب ..


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق