]]>
خواطر :
اسقيني كاس من رحيق ذكرى وجودك ... لا تتركيه يجف ،كلما جف الكأس ازداد الحنينُ...و لا يطفي شعلة الفؤاد سوى كأس الحنين...   (بلقسام حمدان العربي الإدريسي) . 

زمبليطة

بواسطة: جمال بعلي  |  بتاريخ: 2013-04-10 ، الوقت: 05:44:18
  • تقييم المقالة:

زمن الزمبليطة...

يكثر الكلام وينتصب الأدعياء اوصياء في انفتاح على سخافات بهلول المالطي عين على كرسي العرش وعين على حداء مولانا الدي لم يطأ به طين الغوغاء اللزج المترع بنكهة ..البئس ..قال زوردة ..بعد ان لف سيجارة ملغمة وقصف بها راسه فارداه... ردفيه بين منخريه ..
ايه يعني واحد يجئ بعد واحد الواحد ربي والي جاي ماشي وحدو الي يجيبوه ينهبوه ..بوه بوه ..قالوا علينا راقدين ..
اخد سردينة جبذة واحبس الدخان في راسوا فرقع ..
وقال ..ما ضربونا ما ناضو اعلينا ..غمة راكبا غمة ..الهم قتلنا اسمع اسمع
زوردة حملق عينيه ..
قالوا سردينة
قتلت حل ودنيك ماشي عينيك ..
قال زوردة كيما تدير تشوف ولا تسمع ..راهم يلونوا ويشكلوا ويعينوا ..احنا كيما الداب في الساقية
سردينة قفل عينيه ..وقال يا وزوردة خف شويا الكيف راه طلع الصوت
ايا مالا يامسيو ساردينة ..البابور قلع بينا بانتلك بلي ما همش يسمعوا فينا
ساردينا سعل وضحك ..
جبذ زوردة الجبذة الأخيرة ..
وقال ..واش راك تمحي ولا
كل شيئ مقدر ..

ايه ايا خويا زوردة زغدة وكشفوها تعرف بلي انا شكيت ..
حبس ما تشكش الديب ساق الخروف ..لبطوار ..دبحوا وزع على الشبعان واعطى الصوف مدود للجيعان ..
ارقد ولا نوض ..تقسمت ياسردينة ..
واحنا واش دينا ..
زوردة مسح عينيه لما شاف بنت الخوخة في شيفروليه
راك تشوف يا سردينة ..الكحلوشة لعبت بجيوب الرجال وصنعت من جسمها طروطوار ..عدى عليه الى عدى ..
وانتا منين تبدى ..
الريس قال بلي الوطن للجميع ..
كلمة في منامة ..ياك بلا منامة واش راك تقول الريس يسمع بينا ..الدنيا هيصة والغيطة دايرة ملمة ..شعل القارو واحشيه
احكي لولادنا احكي ......


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق