]]>
خواطر :
انساك ! ده كلام ؟... اهو ده اللي مش ممكن ابدا...   (بلقسام حمدان العربي الإدريسي) . 

الرئيس السواق !

بواسطة: السيد حسن عبد الحليم  |  بتاريخ: 2013-04-09 ، الوقت: 19:11:32
  • تقييم المقالة:

 

لو مرة قعدت جنب واحد بيتعلم السواقة ..وحاولت تكلمه هتلاقيه مركز معاك ..ولو ركز معاك هيلبس فى ااقرب حيطه قدامه

 

علشان كدا بعض البلاد زى انجلترا مثلا بتشيل الكرسى اللى جنب السواق ..والحكمه من كدا ان الشخص اللى هيقعد جنب السواق هيتكلم معاه وهيشغله عن الطريق وكمان علشان لا السواق يعطل المرور ولا يخبط حد لا قدر الله ....مابالك ان دي اسهل انواع القيادة ..تخيل بقا قيادة شعب بحاله فى سكة السياسة والتجارة وسكك الدبلوماسية والسكك العسكرية .....وزى ما قولنا ان انجلترا ازالت الكرسى اللى جنب السواق وان ده كان لسببين الاول علشان حياه البشر فى الشارع والتانى علشان راحه بال السواق

 

طب بالنسبة لسواق التاكسى او الاتوبيس ..طيب سواق تاكسى مصلحتنا ....سواق تاكسى دبلوماسيتنا ....سواق تاكسى سياستنا .....سواق تاكسى تاريخنا ...ايوه قصدى على الرئيس ....الرئيس بشر على فكرة ولازم يرتاح ده بيقولك (اذا ارتاح الزعماء ..ارتاحت الشعوب ) ماهو بشر من لحم ودم مربوطه بخيوط معقدة اسمها الاعصاب والاعصاب هى الخيوط اللى بتضم القلب والمعده والكبد والعقل واللى يتعب فيهم الباقى بيتعب علشانه ..

 

طبعا هيطلعى الف واحد من تحت الارض ويقولى يرتاااااااااااح ايه احناااا فى ثورة والرئيس اللى يجى بعد ثورة مينفعش ياكل او يشرب او ينام ...هارد عليه وااقوله مااشى انا معاك اننا فى ثورة ..بس على فكره الثورة مش بتجيب رئيس سوبر مان ..لازم يرتاح ولازم يستجم كمان لازم نديله فرصه يشوف الاحداث من نظرة الشعب نظرتنا احنا مش من نظرة السلطه والضغط والمظاهرات

 

وهاديك امثله علشان احنا لازم نشوف بره الاول بيعملو ايه ونقلدهم ...رئيس الولايات المتحدة بيلعب جولف علشان يصفى باله .....نهرو من اعظم الرجال فى تاريخ الهند راح لشمال البلاد علشان يدى نفسه اجازة اسبوعين واعتبرو واجب وطنى كمان ساعتها .

 

ومن الاخر حاول تدى رئيس فرصه ...ومش قصدى الرئيس مرسى ...انا مش بتقول على شخص انا بقول على منصب ...ارجوك شيل الكرسى اللى جنب منصب الرئيس ...ارجوك بطل زن ومظاهرات

وتخريب .....ارجوك اهمد بقاااا

 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق