]]>
خواطر :
قالوا الصبرُ علاج للآلام... فزادت صبرُ السنين للجراح آلاما...   (بلقسام حمدان العربي الإدريسي) . 

كريز ..كريز

بواسطة: مصطفى يونس  |  بتاريخ: 2013-03-30 ، الوقت: 19:59:06
  • تقييم المقالة:

 

كريز ..كريز
كريز..كريز

هي الحكاية كريز كريزي
و لا الحكاية كريز كريز
ما هو لو تركز..
تلقيها تفرس..
تدور ترفس..
حاجة تغيظ!
عمك حزنبل..يمشي و يحجل
و في الصبح يفطر ..لبن معيز
لكنه صامد..
واعي و جامد..
و لا عمره يعرف..طعم الكريز
عمدة همام..آخر تمام
لا و الأكادة ذكي و ريادة
فظيع و يشبه "حب العزيز"

اوعاك تاخدها جامد و تقفش
ما هي حكاية فعلا كريزي
فبلاش تدور على الكريز
و لو تدقق تلقيها هيزي
خليها ايزي
خليك لذيذ
___________________________
كريز..كريز
كريز..كريز
يا ناس يا هو على انجازاته
فخر لمراته و كمان حماته
كبر دماغك ..لتروح فطيس
ملعون ابوهم كل اللي ماتوا
عشان يجيبوا عود السريس
و ولاد عمومته..
عيلته و جماعته
يا شيخ غباوة
يا هوبليس كيس
يا عم "لالي"
كلمنا عربي
ما هو" الدرنك"..يعرف يسوق
لما الخرنج يحكم عزيز
انا دخت خالص
انا اتصطلت
ملعون ابوها ريحة الكريز
ما هي حكاية فعلا كريزي
فبلاش تدور على الكريز
و لو تدقق تلقيها هيزي
خليها ايزي
خليك لذيذ
__________________
كريز..كريز
كريز..كريز
فالح يا  فلحس..يا باشمهندس
صمم عمارة ليلة خميس
لا مش عمارة..
ده تكنولوجيا..يغلب بعلمه
اجعص جعيص
يا راجل اسكت
ملعونة "ناسا"
تدلق كناسة
عشان علينا..يعمل رئيس
يخرب بيوتكم..
شكلي باهيس
و هو كان برضه في "ناسا"؟
عمك عماصة خروف قديم
رايح يعدل على الانجليز
تشوف كلامه
تقول يا كربي
لا عارفه تركي و لا انجليزي
و لا ده جريجي..و لا كسر عربي
أهو خرافة..و حاجة "ميكس"
صباع يشاور
لسان يحاور
تشوفه فورا..تقول ده "تيس"
يا عم اسكت
لا يقول باحرض
في مخه فاكر نفسه خليفة
هو يقول..
عمه يعرض
جماعته تحشد
هي سياسة و لا تياسة؟
و لا دي خطة..يا أخت "بطة"
عشان ما احنا نعيش في محنة
أهل العروسة في يوم خبيز
ملعون ابوها ريحة الكريز
ما هي حكاية فعلا كريزي
فبلاش تدور على الكريز
و لو تدقق تلقيها هيزي
خليها ايزي
خليك لذيذ


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق