]]>
خواطر :
ما الحياة الدنيا إلا أمواج في مد و جزر مستمر... أرحام تدفع و تراب يبلع...   (بلقسام حمدان العربي الإدريسي) . 

أوجاع . . . . عاشق للحنين ! ! ( بقلم : د . وحيد الفخرانى )

بواسطة: د. وحيد الفخرانى  |  بتاريخ: 2013-03-22 ، الوقت: 13:49:42
  • تقييم المقالة:

أوجاع . . . . عاشق للحنين  ! !  ( بقلم : د . وحيد الفخرانى ) 

---------------------------------------------------------- 

أنا موجوع . . أنا يائس . . أنا مُحبَط  .

أنا مجروح . . وبتألم . . ومش قادر كمان أصرخ .

أنا مدبوح . . وسال دمى بسكين . . حبيب مخلص .

أنا مهموم . . وهمى تقيل . . ولا تشيله جبال عنى .  

أنا مكلوم . . فى حبى وعشقى . . على إيديكِ  حنين عمرى .

 

أنا تايه . . وراح عنى دليلى فى ليلة . . كلها ضلمة .

أنا ضايع . . وضاعت منى أحلامى . . كده فجأة  .

أنا يائس . . ومات أملى فى قرب حبيبة . . ليه قاسية ؟

أنا ماشى . . فى طريق وعرة . . دروبى كلها صعبة .

أنا محكوم . .  بإعدامى . . بلا قاضى ولا جلسة ولا مرافعة . 

 

أنا معرفش إيه ذنبى . . ولا أعرف فى إيه جرمى .

أنا معرفش غير إنى . . هويت العشق من صغرى .

أنا معرفش ليه ظلمى . . وليه جرحى . . وليه دبحى .

أنا مفهمش ليه قتلى . . يكون على إيد ساكن قلبى .

أنا مخطرش على بالى أعانى . . وبإيديكِ يكون حزنى .

 

أنا اتحملت فى هواكِ . . كتير وكتير . . نفد صبرى .

أنا سهرت ليالى طوال . . مع نجومى وضيا قمرى .

أنا عانيت من الغربة . . ومن بعدك . . ومن ألمى .

أنا رخصت علشانك . . حياتى ودنيتى وعمرى .

أنا ضحيت وانا راضى . . بكل نفيس . . فدا حبى .

 

أنا ماشى . . سيبها لك ومش راجع . . عشان ترتاحى .

أنا رايح بعيد وحدى . . أزيل همى وأداوى جراحى .

أنا مش هابكى من تانى . . على قلبى ولا عمرى ولا حالى .

أنا هطلب رضا ربى . . رحيم بىّ . . وعارف كل أوجاعى .

ومش هاندم على حبى ولا عشقى . . ولكنى حلفت يمين :

ما أحب الحب . . من تانى   ! !

ما أحب الحب . . من تانى  ! ! 

ما أحب الحب . . من تانى  ! !

                                                                    وإلى لقاء آخر إن شاء الله .

    

  • م. حنين العمر | 2013-04-03
    هل هناك يا سيدي من يستحق كل هذا الألم لأجله؟؟
    إن كان كل هذا الألم في سبيل الحب ..فإما أن الآخر لا يستحق الحب..أو أننا لم ندرك حقيقةً معنى الحب..
    دائما كلماتك تأسرنا حتى في ألمها ..سلمت وسلم قلمك..

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق