]]>
خواطر :
الحياة الدنيا مثلها امرأة ، تراها من بعيد جمالا براقا لتكتشف أن كل شيء فيها مصطنع ... من رموش العين إلى احمرار الخدين والشفتين إلى طاقم الأسنان الناصع البياض...   (بلقسام حمدان العربي الإدريسي) . 

فين شوارعك

بواسطة: zeyad el saghir  |  بتاريخ: 2011-09-12 ، الوقت: 12:05:02
  • تقييم المقالة:

 

 

فين شوارعك؟فين شوارعك يا مدينتي...و ايامك الحلوه الجميله؟

فين شروقك فين شموسك تضوي عتمه ليالينا؟

فين امالك فين جمالك يروي اشجاري الحزينه.

علي بابك اتولدت امانينا و في ربوعك ياما نسينا.

فين شوارعك يا مدينتي ماتت الاحلام فينا..

لا بقيتي انتي و لا احنا كنا ما اتمنتي..

غيرتي فينا ايام عمرنا...لما قسيتي علي قلبنا.

بدلتي جوانا الحنين و بقيتي جامده علي فرحنا.

قلبتي جلدك و دموع عينينا سالت هنا.

كنت فين لما سرحنا و التوهه هي براحنا.

عملتي ايه لما هجرتك...بعد ما دميتي جراحنا.

بعد ما رميتي سنينا في دروب زقايقك الغميقه.

بعد ما خنقتي صدورنا و كدبتي فينا الحقيقه.

فين شوارعك يا مدينتي ...و اسواقك و لياليكي.

ياما سهرنا في الليالي وسط ميادينك و حواريكي.

هواكي كان يملي الصدور ....شوارعك كان فيها البخور...جناينك كان فيها الزهور...سماكي مزهزهه بالطيور.

كل ده كان و كان ...يا مدينتي بقيتي جامده...ناسك ما باقتش حامده....بخورك تاه في المجاري...

فين ناس الحواري؟الجدعان علي السواري؟المعلمين الاصال....بدل معلمين الفتاوي..

الناس ماشيه مخدرين....ماشيين و مش ماشيين...تايهين و مش حاسين...باكيين لكن علي مين؟صاحيين لكن نايمين!!

فين لما كنا شاربين من نيل حنين...لاقيين فيكي الامان...و بقينا.........................

شاكيين فيكي الزمان!!

فين شوارعك؟فين شوارعك يا مدينتي...و ايامك الحلوه الجميله؟


المؤلف:- زياد الصغير

  • Alya Mohamed | 2011-09-12
    استاذ زياد الشعب مشوه حاجات كتيرة مسخته من شعب حضارة لشعب نسبة الامية فيه 50%إضافة لنسبة الامية بين المتعلمين انفسهم بفعل تدمير علي مدي 30 سنة واكثر ونظرا لارتفاع نسبة الامية وارتفاع نسبةالمواليد سواء المقيدين او اولاد الشوارع فانتظر معجزة لتعود الشوارع ورائحة البخور ورائحة رمضان التي افتقدناها .لن تعود شوارعنا في القريب العاجل فالتركيبة السكانية اختلت أخجل أن اصرح ان نسبة كبيرة منا للاسف عشوائية وهذا يحتاج منا لجهد خرافي للرقي بشعب تم تجهيله وتشويهه علي يد نظام فاجر تعدي الفساد لحد الفجور والتبجح شعب مصر يقول هذا ما جناه علي ابي وما جنيت علي احد لو اعتبرنا ان النظام السابق كان نظاما ابويا كما يدعون اراه نظاما همجيا شوه معظم الشعب اه يامصر كم احزن من شوارعك وحواريك اه كم اظلم شوارعك وحواريك فالعيب في من شوه من يقطنها تحياتي استاذ زياد انتظر جديدك
  • سلوى أحمد | 2011-09-12
    نعم يا استاذ زياد ولكن اللوم علينا مش علي مصر التي اشتقنا حقا لها -اشتقنا لمصر كما عهدناها بلد الامن والامان

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق