]]>
خواطر :
اسقيني كاس من رحيق ذكرى وجودك ... لا تتركيه يجف ،كلما جف الكأس ازداد الحنينُ...و لا يطفي شعلة الفؤاد سوى كأس الحنين...   (بلقسام حمدان العربي الإدريسي) . 

حصريا فى الشعب المصرى...

بواسطة: د.هاله محمد البيلى  |  بتاريخ: 2013-02-23 ، الوقت: 11:44:42
  • تقييم المقالة:

......الشغل فى الوظائف الحكوميه....

.....الموظفين يوصلوا مكاتبهم على الساعه 9.....

.....يفطروا لغاية الساعه10.....

....يشربوا الشاى لغاية الساعه 11....

....أذان الظهر والصلاه الساعه12....

.... بعدين يحضروا نفسه للإنصراف الساعه 1بعد الظهر...

وبعد كده يشتكوا من أحوالهم اللى مبتصلحش....

 

 

.......العيال فى المدارس بيقولوا القسم فى الطابور بصوت عالى وجماعى علشان الوطنيه .....ودايما المدرسه فى الطابور تقولهم علو صوتكو مش سامعه علشان تنشطهم ......المدرس يدخل الحصه يرحبو بيه بصوت عالى وجماعى علشان بيحبو المدرس وبيتباهو بيه بين الفصول....المدرس فى الحصه يخليهم يسمعواالدرس بصوت عالى وجماعى علشان المعلومه تثبت ......وبعد كده الأهالى يشتكو من الصوت العالى ....وتلاقى الجمله المفضله للآباء ...وطى صوتك ......

 

 

 

.......بواب العماره اللى سايب العماره سداح مداح أى حد بيدخل .....ولما يشوف ساكن جديد داخل العماره يبص فيه أوى ويسأله إنت داخل فين؟....وهو عارف إنه ساكن جديد ....بس علشان يبين إنه بيشتغل صح ....والساكن الجديد مايتأخرش عليه فى مرتب الشهر.....

 

 

.........الواد قاعد جنب أمه فى الميكروباص بيأكل بسكوت ......ولما خلص بص لمامته وقالها أرمى الورقه فين يا ماما....تقوم ماما تقوله إرميها من الشباك يا حبيبى ....وبعد كده بنشتكى من الزباله اللى فى الشارع ....الشعب كله متربى على رمى الزباله فى الشارع ....

 

 

.......تلاقى طابور طويل واقفين على شباك .....وفى أول الشباك الموظف مش موجود.... أصله راح يجيب دفتر جديد بدل الدفتر القديم .....ماهو لازم يسلم القديم علشان يأخذ الجديد ....القانون كده....

 

........تلاقى طابور طويل وواحده من آخر الطابور تقول للموظف على الشباك ...والنبى مشينى لحسن أنا مستعجله ....وتقوله مليون سبب منها ...أصل أنا سايبه فى البيت عيله لوحدها....أو عايزه ألحق مصلحه ثانيه قبل ما تقفل ....أو أصل أنا تعبت من الوقفه....ولما كل الأعذار تفشل .....تقول هو الطابور واقف ليه هو الموظف ما بيشتغلش ولا إيه ....

 

 

......الشعب المصرى الوحيد اللى بيتقال فيه للسباك يا باشمهندس ....وللممرضه يا دكتوره ...وللدكتور يا بيه ....وللدكتوره يا أبله ....وللآنسه يا مدام ....وللمدام يا آنسه ......شعب مركز على الآخر .....

 

.......تلاقى شباب واقفين فى الشارع ...ولما تعدى بنت ...تلاقى واحد فيهم على صوته وقال أى كلام علشان البنت تبص عليهم....  

 

........ الشاب المصرى الوحيد اللى بيشوف الألوان غلط ....تلاقيه يعاكس بنت لابسه لون أحمر ويقولها حلو أوى اللون الأصفر اللى إنتى لابساه .......

 

.....وربما نواصل .....  


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق