]]>
خواطر :
قالوا الصبرُ علاج للآلام... فزادت صبرُ السنين للجراح آلاما...   (بلقسام حمدان العربي الإدريسي) . 

صنّفنى شكرا

بواسطة: صبرى محمد  |  بتاريخ: 2011-05-13 ، الوقت: 19:51:04
  • تقييم المقالة:

صنّفنى شكرا

 

-----------------------

 

هانى : حد يا جماعة يعرف " ............" الكاتب ده اخوان ولا سلف ولا ليبرالى ولا ...........عشان مكنتش متابعه

سمير : اشمعنى ...؟

هانى :كلامه مقارب للاخوان واحيانا مع السلفيين وشفتله جزء من حوار يدل على انه ليبرالى .

سمير : هو لازم يكون ده ولا ده ... مش ممكن يكون واحد له راى مختلف عن كل دول .. اسمع كلامه وخد المعقول واللى تقتنع بيه ..

هانى : لا لا يا عم ده كلامة ليبرالى اكيد ..(بعد برهه من الوقت) وممكن يكون اخوانى .

سمير:  يعنى لازم تصنفه .. حاجه غريبه

هانى : مش لازم اعرف ده تبع ايه

سمير : ما قلتلك اسمع منه متسمعش عنه .. اعرف هو بيقول ايه ثم احكم عليه

هانى  : بس مش الاول اعرف توجهه ..

سمير : انت هتعمل زى زمان اصنف الناس واشوف هقرب واسمع منهم ولا اسد ودانى وابعد عنهم

هانى  : وده غلط .

سمير : طبعا غلط .ز مش جايز الله سمعته يكون غلط وممكن يكون تصنيفك له غلط على اساس اللى سمعته .

الى هنا انتهى مشهد صغير جدا من مشاهد كثيرة نجدها فى حياتنا وتثير تسؤلات عديده ويميل الكثير من الناس الى تصنيف الاخرين فهم يطلقون على فلان انه اخوانى او ليبرالى او سلفى او شيوعى او  او ....

      وانتشر هذا الامر بعد الثوره بشكل كبير لان قبل الثورة كان من يفكر ويتناقش ويتحاور قليل وفى اطار محدود والكل يعلم السبب . فاول سؤال يتم سؤاله "انت مع الثورة ولا لأ "  او واذا راى احدهم احد غريبا عنه لا يعرفة يبدا بسؤاله طبقا لسياق الحديث ففى الحديث السياسى يساله " انت تبع حزب ايه ... قولى بس " ، فى الحوار الدينى يساله انت اخوانى ولا سلف ولا ازهرى ولا   ولا     " .

        لا اعرف لماذا لم يسال اى منهم الاخر .. انت مصرى .... ؟ مع ان الاجابه عن هذا السؤال صعبه جدا فالكل يجيب : نعم انا مصرى  .. !

هل انت مصرى ..! واذا كنت مصرى .. ايه الدليل ؟

اجاب احدهم عن هذا السؤال بقوله " عشان اتولدت فى مصر "

واجابه ثانيه " عشان انتمى لمصر "

وثالثه " عشان بحب مصر "

ورابعه " عشان اعمل خير لمصر .."

وخامسه " عشان مهموم بهمومها .."

اختار اجابه او اجب بنفسك " لو انت مصرى .. ايه الدليل انك مصرى بجد؟"

لو انت مصرى ... متصنفش الناس وتاخد موقف منهم قبل متسمعهم .. اسمع قبل متصنف "

لماذا نصنف الناس ..؟ لماذا لا نترك التصنيف و نهتم بالتكليف  ولا فلنطلق خدمة "صنفنى شكرا "


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق