]]>
خواطر :
مولاي ، لا مولى سواك في الأعلى ... إني ببابك منتظر نسمات رحمة...تُنجيني من أوحال الدنيا وحسن الرحيل ...   (بلقسام حمدان العربي الإدريسي) . 

طاخ طوخ طيخ

بواسطة: الضمير  |  بتاريخ: 2013-02-16 ، الوقت: 13:40:40
  • تقييم المقالة:

أنا شاب شريف ..

 

شغال في حزب سياسي بشكل جديد ..

 

حـــزب مُعارضة مش تــأييـــد ..

 

أنا شــــاب عفـــيفــــــ ..

 

جــــابني ميدان التحرير ..

 

ســـاعة الثورة والتــغيير ..

 

أنا حِزبي حزب كبير ..

 

حزب مُعارضة مش تَعْريــض ..

 

حزب شديد لا يخاف سُلطَة ولا يهاب تَكْتــييـــف ..

 

وأنا شغال مُعــارِض بعَارض ..

 

من غير أسباب من غير تمييز ..

 

مـــ خلاص راح زمـــن البطيخ ..

 

طاخ.. طوخ ..طيخ

 

منا لازم أبـَـان للناس قوي مش ضَعيف ..

 

أعلي صوتي ، أشتم ، أولـــوِل

 

ولو طَلبِت توليع ..

 

معايا مولوتوفي ،  وجازي ، والكبريت..

 

كله تَمَــامـــ  ِمش زي زمان تــأييد  تـــأييد ..

 

النهاردة خلاص عهـــد جديد ..

 

ضدك يارئيس أقصد  ياخسيـــس ..

 

مش هنسيبك - أصل أحنا معارضة من نوع فريد ..

 

لا هتلقيها في كتاب ، ولا فــ عهد منفلوط  ، ولا حتى في هوليود..

 

طاخ ..طوخ.. طيخ

 

وعشان تبقى معارض تعرف تعرض ..

 

تعمل ِكدهو:

 

قررات -تُرفُــض

 

خطابات - تُــنقُـض

 

تعليمات - تُشجـُـب

 

إتفاقيات - تُخـَّـوِن

 

نعم يبق - لـــــا

 

لــــا يعني - نعــمــــ

 

كُل مايبني إنتَ تِهـــدِم ..

 

خليك في ديله أوعى تسيبه أوعى تحله ..

 

وكل متشتم وتولع  تِزيد شهرة وتتلمــع ..

 

وتطلع في الفضائيات والشاشات ..

 

وميكروفونات كتيرة ومؤتمرات ..

 

وتبق بطل قومي زي ماركس وجيفارا اللي مات ..

 

هو انت فاكر ايه؟

 

 هو ده ســـر النجــــاح ..

 

طاخ ..طوخ ..طيخ

 

هنخاف من إيه ده كان زمان ..

 

ودلوقت مفيش لا قَضا ولا حُكــام ..

 

قول وعلي صوتك ووعاك يَجبــان تخـــاف ..

 

وانتي ياغــازية  إتحزمي  ومش لازم تُرقصي ..

 

أشتمي  بس  أشتمي..

 

مهو أصل الغوازي بقة حزب سياسي  شديد ..

 

 لـــه قاعدة عريضة وتَأيـيـد ..

 

طاخ .. طوخ .. طيخ

 

 وإنتَ يافنان إعمل برامج  توك شو ..

 

فَرجنا يافنان موهبَك الجِنـــان ..

 

هات الريــس وحطه في عِبـَــك ..

 

سلط عليه الضوء ..

 

وإعمل حاوي وطلعه من رِجلــك ..

 

وغني -  أيوه غَنـيلُه ..

 

ولو عايز تجيبه معاك  جيبه مش هيمانِع..

 

  اسخر منه وضحك مش هيزعل  ولا يضايق  ..

 

  وهتبقى حصري على تلفزيونا العصري ..

 

واطلع وقول مفيش حرية ..

 

وتريق وقول دي حكومة قوية ..

 

طاخ .. طوخ .. طيخ

 

إفرحي ياثورة ولادك أهُـــمَ ..

 

بعزم شديد وقوة حديد ..

 

لا يهابوا حكام ولا يخافوا تهديد ..

 

وانت يا إعلام صور هنا بسرعة ..

 

معارض بيتسِحِل تحت  أهوة ..

 

ومعارض هنا بيولع  صَوَرُو  وأعمل منه  بطل مش مُدان  ..

 

مهو ده الإعلام اللي كان زمان عن الثورة بردة بيدافع..

 

فاكرين كان أزاي بيشجع ويعافر..

 

ويشتم في حسني وجمال..

 

وفي الثورة والثوار بيجامل ..

 

فاكرين إعلمنا الهمام ولا فــ   سنتين  نسيتوا اللي كان..

 

طاخ .. طوخ .. طيخ

 

دم الشهدا في رقبة مين ؟

 

حق الشهدا فــ أيد مين ؟

 

فينك ياقضا ياعميل !!؟

 

بطل تزويير وبراءت بالجملة كتير ..

 

أنا حزبي حزب شعبي ثوري ..

 

وحق الشُهدا مش هنسيب مش هيضيع ..

 

ياقضا ياعميل ..

 

طاخ .. طوخ .. طيخ

 

الريس أهو شال قضا وعين قضا ..

 

يامرسي ياعميل عـــ ألقضا بتجور وطيح ..

 

يادستور فينك فينك ..

 

مرسي نقض العهد بينا وبينك ..

 

أنا حزبي حزب دستوري قانوني ..

 

وفصل السلطة ده شيء ضروري ..

 

طاخ .. طوخ .. طيخ

 

إفرحي ياثورة ..

 

هيصوا ياولاد ..

 

الناس جاعت والريس قاعد ..

 

يتحايل ، ويــدادي  ، وينادي ..

 

ويجيب في ده يطلَع ده ..

 

يدخل ده يُخرج ده ..

 

وبقة حاجة ماسخة ..

 

ملعون أبوكي ياسياسة ..

 

طاخ .. طوخ .. طيخ

 

إفرحي ياثورة ..

 

الحرية أكيد جايه ..

 

مبقاش ناقص غير تــكة ..

 

والريس يقعد على باب القصر يبيع فكهة ..

 

والمعارضة بردة باقية ..

 

ومش ساكتة ..

 

مهو أصل مش عجبها  صنف  الفكهة..

 

أفرحي  ياللي  مانتش سمعانا ولا فهمانا ..

 

ده الشعب اخيراً مات ..

 

ملعون أبوكي معارضة ..

 

ملعون أبوك كرسي وسلطان..

 

ملعون أبوكي سياسة ..

 

ملعون ابوكي ثورة ..

 

ملعون ابوك إنسان ..

 

16-2-2013

 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق