]]>
خواطر :
الحياة الدنيا مثلها امرأة ، تراها من بعيد جمالا براقا لتكتشف أن كل شيء فيها مصطنع ... من رموش العين إلى احمرار الخدين والشفتين إلى طاقم الأسنان الناصع البياض...   (بلقسام حمدان العربي الإدريسي) . 

يوميات راجل غلس

بواسطة: اسماء ابراهيم  |  بتاريخ: 2013-02-11 ، الوقت: 08:28:22
  • تقييم المقالة:

 

أنا بصراحه اتخنقت من الستات الي بتخرج من بيتها و تتظاهر لاي سبب من الاسباب , يا مدام متروحي تشوفي بيتك و عيالك و انتي يا أنسه متدوريلك علي عريس و لا اتعلمي طريقه عمل المحشي بلا وجع قلب.

طيب نروح منهم فين مكوشين علي الشغل و تيجي تركب اي عربيه تلاقيها كلها ستات كأن الرجاله انقرضت لا و في الاخر بيتدخلوا كمان في سياسه البلد , الله يسامحه قاسم  أمين هو السبب كان زمان كل دول في البيت فين أيام الست أمينه المحترمه , لا و كمان بيروحوا الميدان الي سمعته وحشه ده الي اسمه ميدان التحرير طبعا الاول كانوا بيروحو عشان يصطادوا عريس و دلوقتي عشان يحصلهم تحرش استغفر الله  الواحد مبيحش يجيب سيره حد.

بس انا عاجبني اوي الشباب الجدعان اللي بيتريأوا عليهم علي البتاع الي اسمه فيس بوك شفت الراجل اللي بيعلق علي صورة البنت الي ماسكه يافطه ضد التحرش و بيقولها  طيب روحي أكوي بنطلونك الاولي بصراحه ناقشها بمنتهي الموضوعيه  و لا الي ماسكه يافطه و بتقول متتحرش بيا و واحد رد عليها لا و النبي انتي الي متتحرشيش بيا موتني من الضحك هو ده الكلام خليهم يتربوا هي الستات لزمتها ايه غير تأعد في البيت تربي العيال.


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق