]]>
خواطر :
انساك ! ده كلام ؟... اهو ده اللي مش ممكن ابدا...   (بلقسام حمدان العربي الإدريسي) . 

يا محسنين لله

بواسطة: Sara Gbr  |  بتاريخ: 2013-02-11 ، الوقت: 07:47:11
  • تقييم المقالة:

مشيت الف بين الحواديت

طلعت ونزلت....ورحت وجيت

بلف في بلاد لله

اقول :- يا محسنين الله

وطني تايه ومش لاقياه

شكله ماهواش غريب

هاتلاقي بدل الديانه اتنين

وف كل شارع مبنين

مبنى عليه هلال..والتاني حاميه صليب

مش قلتلك شكله مش غريب

طب فين مقام سيدنا الحسين؟

حد شاف نيل بفرعين؟

حد شاف شعب  في الفرح في الحزن ..نفس الدمعتين؟؟!

طب سمعوني النقشبندي

عايزه افتكر الفطار والعيله

وشكل الفانوس في بيت جدي

يا خوّنا عدوا بدل السنه .. اتنين

حاسه اني عديت فيهم تمانين

وانا لسه ماكملتش عشرين !!

ولما ماحدش رد عليا

الدمعه حلفت ماتنزل من عنيا

احسن تلون سواد العيون المصريه

فضلت اصرخ بأعلى صوت...

يا تاريخ محفور في وجداني

يا بساطة ارض واخداني

اجيبكو منين انا تاني؟؟؟

طب انا نايمه وبحلم

 ولا دي غفوة وهاتعدي في ثواني؟؟

ع فين يا رياح اليأس واخداني؟

ماتعمليليش البحر طحينه

ماتقدمليش السم في اطعم صواني

انا هافضل احلم باليوم

اللي يرجع فيه وطني من تاني 

حتى لو نظره اخيره لبلدي 

وهي بعلمها لافاني

وبحب ولادها زفاني

ولا هاسيبك يا رياح الياس تبعديني 

واشوفها جرا وراها علمها....وماشيه وسايباني

(ساره جبر)

 


... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق