]]>
خواطر :
الحياة الدنيا مثلها امرأة ، تراها من بعيد جمالا براقا لتكتشف أن كل شيء فيها مصطنع ... من رموش العين إلى احمرار الخدين والشفتين إلى طاقم الأسنان الناصع البياض...   (بلقسام حمدان العربي الإدريسي) . 

يلعن بو ها الثورة آش جابتلنا زنوس..

بواسطة: kadi  |  بتاريخ: 2013-01-23 ، الوقت: 14:28:58
  • تقييم المقالة:

 

-حدّث تكسيست قال: أنا نهار كامل في هالتكسي و كل مرّا هاني نبدّل إذاعة نسمعها آهوكا منّي نونّس روحي و منّي نسمع شويّة أخبار على البلاد...تنهّد و قالي يا خويا راني والله تمهمشت بون أنا من أصلي من حبش هالخبابل و الحكاية متاع السياسة برشا أما ملّي صارت هالثّورة لقيت روحي مفروض عليّا باش نسمعهم، بعد إلّي الإذاعات الكل متحكي كان في السياسة و هو كل مرّة جايبلنا واحد ...و كل مرّة و الموّال إلّي تسمعو حسب الشخص إلّي جايبينو... . . تالحاسيلو منطولش عليك... ( بعد لحكى هذا الكل قلّي منطولش عليك ) . . . -هاو مرّت تسمع واحد يقلّك إلّي الغرب حارب الدين بنظام بن علي و بورڨيبة و يحب يكمّل يجتثّو من تونس باه هالجماعة إلّي يدّاعيو الحداثة و خاصتا آك جماعة الڨووش على حمّة الهمّامي و جماعتو و يقلّك لازمنا نرجعو للقرآن و يكون هو الدستور و لازمنا نطبقو الشريعة.... . مرّة آخرى يجيبولك واحد آخر يحكيلك على تحرير المرأة و على الجوامع كيفاش ولّاو يرتعو فيهم السلفيين و مغير مراقبة مالوزارة...و يحكيلك على الحكومة كيفاش متواطئة و كيفاش مقصرة و مهيش قاعدة تعمل في شئ...و يحكيلك على الميليشيات و كيفاش الحكومة تحب تقمعهم... . -و مرّ تسمع واحد مالحكومة يبيّن و يفسّر فالوضع و كيفاش هوما ماهمش مقصرين و يخدمو ليل و نهار، و يحكيلك كيفاش المعارضة تحط فالعصا فالعجلة...و يبدى يحكيلك عالتركة و المخلفات متاع النظام القديم... . . . ياخويا إلّي تسمعو منهم يحسسك إلّّّي هو صحيح و مضلوم ...و أنا مانيش عارف شكون نصدّق و شكون نكذّب. . . . . و يتسيّب عليه راجل كبير طالع في الكرسي إلّي وراه...يلعن بو ها الثورة آش جابتلنا زنوس...تي إتلها سوق و نقّص مالكلام و إنتِ تقول عليك بلعتهم الإذاعات إلّي تسمع فيهم :////  

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق