]]>
خواطر :
انساك ! ده كلام ؟... اهو ده اللي مش ممكن ابدا...   (بلقسام حمدان العربي الإدريسي) . 

موجوع قوى

بواسطة: أشعار  |  بتاريخ: 2011-05-11 ، الوقت: 03:33:42
  • تقييم المقالة:

 

موجوع قوى

============ 

موجوع قوى ..

والجرح واصل للعصب ..

وصرخت صرخه بألف آه .. إيه السبب .. ؟

وازاى ..؟ وإمتى ..؟ والطريق ده نهايته إيه ..؟

مليون سؤال ..  بس الجواب أنا موش لاقيه ..

متقفله كل البيبان ..

إيه اللى ممكن نعمله ..؟

ده انا حتى موش عارف كمان ..

مين اللى ممكن نسأله ..؟

*************** 

مين اللى ممكن نسأله .. 

ده سؤال عويص محتاج جواب ..

لكن ده موش وقت الحساب .. 

لسه الحساب ده معاده جى ..

موش وقته .. لسه الجرح حى ..

واللى بره ..  عينه ع الأخبار وهايص ..

فوق جروحنا .. يدوس ويعصر ..

آه بقى .. ما الشعب لايص ..

والحبيب ينجد وينصر ..

والحبيب .. ديب راح يغيتنا .. لجل يرقص فوق جتتنا ..

موش حايتحقق مراده .. ده احنا عارفين مصلحتنا ..

*************** 

مصلحتنا نبقى واحد .. جرحنا حانلملمه ..

إنما ولا شبر واحد .. من ترابنا نسلمه ..

للى جاى ينتش يمين .. واللى جاى يهبش شمال ..

والحجج أبصر بمين .. مره حق المرأه آل ..

مره حق الإنسانيه .. والمواطنه مره تانيه .. 

مره سينا .. مره نوبه .. والديانات ألف نوبه ..  

وانتماءنا فى الحقيقه ..  للفراعنه ..؟ للعرب ..؟

غرضه ينفخ فى الحريقه .. لما ينبش فى الترب ..

شيعه .. أرثوذوكس .. سنه .. كاثوليك .. إنجيلى ...... منا ..

كلنا فى الهم شرحه .. كل واحد فينا جرحه ..

هوه نفس الجرح .. هوه .. والنزيف فى القلب جوه ..

جوه فقر ..؟ .. مافيش عداله ..؟ محسوبيه ..؟ .. فساد ..؟ .. زباله ..؟

.. جهل ..؟ .. أمراض ..؟ .. حكم فاشى ..؟ قهر ..؟ .. ديكتاتوريه ..؟ .. مــــاشى ..    إنته مـــــــالك ..؟!!!!        

  ويا بعض حانصطفل .. روح لحالك ..   حالنا بكره حايتعدل .. 

بس بعقولنا وكفوفنا .. موش بإيد سين ولا صاد ..

إحنا عارفين إيه ظروفنا .. فى السياسه والاقتصاد ..

إحنا أدرى بحالنا منك .. ربنا يغنينا عنك ..

جدى قاللى مثل قديم .. دمعتك تمسحها إيدك ..

إنما تسأل لئيم .. اللئيم راح يبقى سيدك ..

وانته .. موش راح تبقى سيدى ..

حتى لو مقطوعه إيدى ..

ولا قلبى بينكوى ..

ولا اكون ..

موجوع قوى ..                                                              فوزى المليجى                                                              6-1-2011           


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق