]]>
خواطر :
ما الحياة الدنيا إلا أمواج في مد و جزر مستمر... أرحام تدفع و تراب يبلع...   (بلقسام حمدان العربي الإدريسي) . 

ما فعله عبد القوي خليفة ليرضي عنه الخليفة

بواسطة: Princess Moon  |  بتاريخ: 2013-01-22 ، الوقت: 18:41:54
  • تقييم المقالة:

 

الخميس 10-1-2013

زيارة السيد رئيس الوزراء و السيد وزير مرافق مياه الشرب لمشروع محطة مياه المعادي و ذلك بغرض افتتاح المشروع.

 

 

 

خبر عادي جدا ممكن تكون قريته في اي صحيفة او تكون اتفرجت عليه في اي قناة وشوفت وش السيد الوزير او رئيس الوزرا و هم-منشكحين- اوي و فاخورين اوي بانجازاتهم. او شوفت اليافطة الرخام الجميلة واللي مكتوب عليها ان المشروع تم افتتاحه في عهد الرئيس مرسي و رئيس وزرائه قنديل و وسعادة الوزير عبد القوى خليفة.

بس عمرك ما حتفكر ازاي ممكن يكون المشروع يكون اتنفذ خلال 6 شهور هي عمر الرئيس في الحكم و اطول من عمر الوزارة كلها. عمرك ما حتتخيل ان المشروع ده تم تنفيذه و تشغيله من سنة 2009.

و الشهادة لله ان اللي حصل ده مش اختراع الرئيس الجديد ولا رئيس وزراءه ولا حتى الوزير(محافظ القاهرة سابق في عهد مبارك). لا الموضوع قديم اوي ويمتد اصوله في اعماق اعماق الدولة المصرية القديمة(كل الفراعنة تقريبا سرقوا معابد الملوك اللي قبليهم و مسحوا اسمهم من عليها-دول كمان سرقوا الاهرمات بتاعت بعض-)

و طبعا محدش ممكن ينسى الرئيس المؤمن السادات اللي نسب لنفسه الفضل في خطة العبور و نسيوا في كتب التاريخ يكتبوا اسم اللواء الشاذلي واضع الخطة الحقيقي.

وحسني مبارك صاحب الضربة الجوية الاولى من غير ما يتحرك من مكتبه(لا تخرج قبل ان تقول سبحان الله)و برضه نسيوا يحكولنا في كتب التاريخ قصص ابطال زي قصة الشهيد عاطف السادات رحمة الله عليه.

وكل المشاريع اللي بناها الشعب المصري الغلبان بدمه و عرقه واتنسبت للرئيس فلان والوزير علان. الكارثة بقى لما ده يفضل ويستمر وينتشر حتى بعد ما نعمل ثورة العالم كله يشهد بيها. يبقى احنا كده كل تعبنا طلع على فشوش ومفيش حاجة اتغيرت.

انا شخصيا معنديش مانع ان المشروعات دي تفضل لقيطة بلا افتتاح او يافطة بدل ما نفضل نضحك على بعض كتير. او لو لابد من يافطة نبقى نكتب عليها(بناها الشعب الغلبان بكده و تعبه و اموال ضرائبه) ونبقى ندي السيد الوزير و رئيس الوزرا تمن البانزين بتاعهم وهم رايحين يفتتحوها بدل ما يفضلوا يزلونا بالمشور ده لاخر يوم في عمرنا (ده لو مكنوش خدوه بدل انتقالات 100 مرة اصلا)


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق