]]>
خواطر :
لا تلزم نفسك بأمر أو فعل لا تقدر عليه ، وكن واقعيا في أمور تخصك حتى يهنأ بالك   (إزدهار) . 

مدير فني امريكي .. ومذيع معرفش جنسيته

بواسطة: moshakes  |  بتاريخ: 2013-01-15 ، الوقت: 14:57:21
  • تقييم المقالة:

مدير فني امريكي وقولنا هنستحمل علشان اتحاد الكرة عاوز كده !!! قناة مصريه تاخد الماتش حصري وقولنا اللي يتحكم فينا من بلدنا أرحم من ان اللي يتحكم فينا من بره !!! انما الكارثه بقي انك تسمع علي القناه دي مذيع متفهمش منه حاجه وتقول في بالك هو مش كفايا المنتخب اللي حاله مايل من بعد أمم افريقيا 2010 لحد انهرده وكمان تجيبولنا مذيع مش عارف أسامي لاعبيتنا ؟؟؟؟

طب الأستاذ طارق نور دايما واحنا عارفين ان القناه بتاعته مينفعش تقول عليها القاهره والناس ممكن تقول بيروت والناس ؟؟ اعتقد ان الأسم ده ممكن يكون اقرب والسبب انك ممكن تلاقي مذيع واحد او اتنين مصريين انما الباقي وسبحان الله معظمهم من لبنان والقناه اللي اتعودنا انها كانت بتنزل في رمضان بس ... ويارب كانت دامت علي كده ..حتي رمضان كان كله مذيعين من لبنان طب ليه اسمها القاهره والناس ؟؟؟؟ تجيب مذيع من لبنان وتسميله البرنامج زمن الاخوان وتسمحله انه يقطع في الاخوان وفي البلد وأشطه شغاااااااااال .. طب انا ممكن اطنش ومفتحش القناه اللي بجد فاقده للحياديه وماشيه في اتجاه واحد ...انما انك تاخد الماتش حصري يبقي انت برافو عليك خليتني مجبر وغصب عني علشان خليتني اتفرج علي الماتش عندك ما مفيش ولا قناه هتذيع الماتش غيرك ..طب مش المفروض بقي تخليك جدع وتجيبلنا مذيع مصري علي الأقل نفهم منه .انما منتخب مبقاش ليه طعم وكمان مذيع بيتفرج علي ماتش تاني طب انا ذنبي أيه عيني تتأذي وكمان ودني تتأذي !!!

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق