]]>
خواطر :
انساك ! ده كلام ؟... اهو ده اللي مش ممكن ابدا...   (بلقسام حمدان العربي الإدريسي) . 

** ( واحشاني ) **

بواسطة: عمرو ابراهيم سيد أحمد مليجي  |  بتاريخ: 2013-01-12 ، الوقت: 22:11:32
  • تقييم المقالة:

** ( واحشاني ) **

..........................


واحشاني .. واحشاني

واحشاني بسمة لزماني

وخوفي عليها من بكرة

لتقسى فـ يوم وتنساني

 

واحشاني عنيها تندهلي

وتبقى عيلتي من اهلي

ودمعة عيني تمسحلي

لو شافت مر ترحالي

 

وترحمني وترقيني

لو يشمت فيّه عُزالي

وتفرحلي .. وتدعيلي

لو يفرح بيّه خلاني

 

واحشاني عنيها مسكونه

بكلمة حب مجنونة

وترسم فيها من تاني

عنية .. وقلب يهواني

 

واحشاني زهرة ياسميني

ومية ورد ترويني

وصوت الهمس يكفيني

ويمحي كل احزاني

 

واحشاني كلمة فـ كتابي

واحشاني واقفة على بابي

واشوف الحنة فـ اديها

لو تقبل يوم وترضاني


واحشاني نبضة في قلبي
واحشاني نقطة في دمّي
واحشاني والهوى ذنبي

لو قطعت منّي شرياني

 

واحشاني سمرة خمرية

غزالة شاردة بريّة

اشوف الموت ويرضيني

لو صبحت ساكنه عنواني

................................

عمـــ المليجي ـــرو

مصـــر 13/1/2013

 

 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق