]]>
خواطر :
قالوا الصبرُ علاج للآلام... فزادت صبرُ السنين للجراح آلاما...   (بلقسام حمدان العربي الإدريسي) . 

أصغر ناشط سياسي عالمي في محاولة صنع قمبلة

بواسطة: سعد مرزوق  |  بتاريخ: 2013-01-04 ، الوقت: 07:51:24
  • تقييم المقالة:

النونو في محاولة صنع قمبلة

.

.

 

لتاني مرة .....

دخلت الأم علي إبنها 

عشان تعشية وتنيمة

لقته بيجز علي سنانه

زي ميكون حد معكننه

وأفشت معاه ورق بفرة

ودبوس حشيش كان مدكنه

والشرار بينط من عنيه 

فسكتت ومرضتش تكلمه

وهو فهمها من نظرة عنيها

وقال لها ..

معلهش يا أمي

الشعب ده ...............

أنا غلبت أوعيه وأفهمه 

إن الأصول أصول 

والعيب عيب وميصحش

وإن كلنا أهل وعشيرة

وملوش داعي نتفركش 

ولازم نسامح بعضنا 

عشان نلم جرحنا 

وياما نصحت الكل 

يفحر في نفسه وينعكش

ويصلحها من العيوب

عشان كلنا نفوق ونفرفش

لكن للأسف ....!

الواقع خلاني عايش حزين

وبقيت أعمل زيكم

أشرب سجاير وأحشش

طب منا واحد منكم 

وراكب السفينه في وسطكم

والظلم واقع عليا

زيكم جيت الدنيا

لقيتكم أمة متفككة

أبص في الوشوش

أقول دول مسلمين زينا

لكن نص العادات 

مش من دينا ولا عرفنا

وحرفوا معني العفاف والطهارة

والرقص والمغني 

بقي فن وشطارة

متزعليش مني يا أمي

عشان بفضي همي في سيجارة 

معتش حابب أتعلم

ومعتش قادر أتكلم

بقيت كل لحظة بتألم

لما أشوف خريج آداب وتجارة

يا عاطل ....!

يا شغال بواب علي عمارة

قالت له ..........

تقوم تشرب حشيش 

وتمشي في سكة 

ال يروح ميجيش

قال لها .........

ده دبوس صغير 

عشان بمخمخ وبتكتك

ومتفكرنيش من الأطفال 

ال بتدلع وتتهشتك

عاوزك يا أمي تدعي لي

أنا بصنع قمبلة

ترعب أهل الضلال

وتخلي الباطل يتفرتك 

Saad Marzouk 4-1-2013

 

ملاحظة هامة 

سلسة المرشح النونو تعبر عن مضمون فكري خاص بوجهة نظر الكاتب الشخصية وطريقته الإحترافية في النقد السياسي والإجتماعي ورؤيته الخاصة للمستقبل من أدوات الواقع ... ولا يقصد بها الاسائه لشخص ما او لمؤسسة بعينها ... فهذا العمل خالص لوجه الله لدعم روح الوحده الوطنيه والعربية والاسلامية ونبذ الطائفيه والفتنه والانقسام ... ولاحظ دائما تاريخ نشر المقال ... لأنها تتفاعل مع الأحداث الجارية طبقا لتطور الحدث وتغير الموقف .

ستجدها كلها علي هذا الرابط 

https://sites.google.com/site/rotanasaadm/nono-try-making-qmpelh


« المقالة السابقة ... المقالة التالية »
  • سعد مرزوق | 2013-01-04
    قال رسول الله صلي الله عليه وسلم 
    خاطبوا الناس علي قدر عقولهم 
    وأعتقد أن المضمون الفكري لكي يصل إلي عوام الناس   يجب  ان يكون بلغه بسيطة يفهمونها ....  أليس كذلك ؟
    وإذا خاطبت  أجنبي  يتحدث الإنجليزية   خاطبه  بلغته حتي  يفهم الرسالة 
  • رسالة | 2013-01-04
    تقديراً للغتنا الحبيبة اللغة العربية الفصحى أتمنى من كل الأخوة أن ينشروا أفكارهم بمفردات عربية فصحى...لأن الكتابة العامية و أرجو المعذرة ليس لها أي قيمة....مع خالص الاحترام  

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق