]]>
خواطر :
انساك ! ده كلام ؟... اهو ده اللي مش ممكن ابدا...   (بلقسام حمدان العربي الإدريسي) . 

طافح الكوتة .. صانع الكوفت

بواسطة: سعد مرزوق  |  بتاريخ: 2013-01-01 ، الوقت: 07:41:26
  • تقييم المقالة:

 

هل تعرف ان طافح الكوتة يصنع الكفت ؟

.

.

سألت نفسي يعني إيه كوته

وليه ديما كل أم تقول لإبنها

إجدعن وذاكر وشوف شغلك

أبوكم عشانكم طافح الكوته

وفهمت إن طافح الكوته 

إنسان شقيان وبيعاني

وبيقدم كل ما يملك 

في سبيل هدف سامي

وشايل الحمل الكبير

وبيجي علي نفسه وبيضحي

وعمرة كمان ميشتكي ويضجر

شريف وعصامي

ميخفش غير ربنا

شجاع وإقدامي

شعارة في الحياة "الله أكبر"

الله أكبر ... من كل المتاعب

الله أكبر ... من كل المصاعب

الله أكبر ... فوق القيود

وكبريائه بلا حدود

ولو أنت مصري أصيل

وشارب من ضفاف

النيل يبقي هتعرف الكفت

وتحب الكوته وتعشقها

ابويا وأبوك وجدي وجدك

صنعوا الحضارة والتاريخ 

وعرفوا الكفت بطفح الكوته

الكوته تعب ومشقة

ومجهود كبير وعناء

وهي دي سر العظمة 

والحضارة والبناء

أوعي تفكر إن الكوته شر

وإياك تاخد في نفسك مقلب وتتغر 

وتقول ليه من بين كل الشعوب

شعبنا شارب المر 

يا طافح الكوته متزعلشي

صناعة الكفت  من غير الكوته متنفعشي

وعموما .....!

الكوته مهما طالت  مبتدومشي

المهم انت تصبر ومتجزعشي

وسبها علي الله  وهي لوحدها هتمشي

.

.

.

يا ريت محدش يختلف معايا في معني الكفت .. بحثت عن معناها لقتها القشرة الرقيقه بين البيضة وقشرتها 

لكن احنا ديما نفهم ان عارف الكفت .. يعني لافف وداير وعارف المستخبية

وصانع الكفت يعني عمل المستحيل المحدش غيرة عمله

وشاف الكفت .. يعني شاف المحدش شافه

وذاق الكفت يعني ذاق المر المحدش شافه

والله أعلم بالكفت مننا ويهون علينا طفح الكوته كلنا .

saad marzouk 31-12-2012  


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق