]]>
خواطر :
انساك ! ده كلام ؟... اهو ده اللي مش ممكن ابدا...   (بلقسام حمدان العربي الإدريسي) . 

حكاية مصرى

بواسطة: فرحـــــات زايــــد  |  بتاريخ: 2012-12-30 ، الوقت: 17:38:17
  • تقييم المقالة:

 

من كلماتى .. حكاية مصرى .. فرحات زايد

زمان سمعت كتير كلام ..
دخل ف قلبى وعشش تمام ..
مصر الحضارة مصر الهرم ..
مصر النيل وأرض الكرم ..
كبرت دخلت فمدارسها ..
حفظت كتبها وكل دروسها ..
وقالولنا مفيش زى الريس ..
همه ع الشعب وقلبه كويس ..
حبيت الريس من قلبى ..
لما أكبر هايكون جنبى ..
وهاتعين وهاكون شغال ..
بمرتب هايكفى وعال العال ..
وبعد ماخلصت الثانوية ..
دخلت بعديها الكليه ..
وف أخر إمتحانات سنة أولى ..
ببص لقيت ثورة معمولة ..
الشعب يريد إسقاط النظام ..
دا مبارك دا من أسوأ الحكام ..
امشى وسيبنا يلا ياريس ..
الشعب خلاص فاقلك كويس ..
بس ساعتها أنا كنت معاه ..
وماكنتش عاوزه يسيبنا ويمشى ..
من صغرى عايش فحماه ..
ومن أيام الثورة مبانمشى ..
عدت أيام ووراها أيام ..
والريس ساب وسمع الكلام ..
زعلنا كتير وبكينا ..
كلام الريس أثر فينا ..
وبعد ماعدت سنة كمان ..
قالولنا انتخبوا الاخوان ..
معاهم مشروع اسمه النهضه ..
هايعلى مصر كمان وكمان ..
سمعنا وعودهم وكلامهم ..
وحلمنا بجد بأحلامهم ..
وصحينا فجأه على كابوس ..
عنوانه مش انت اللى اخترت ..
يبقا توطى وعليك هاندوس ..
ساعتها كرهت انى اعيش ..
ف بلد مافيهاش لقمه عيش ..
وكرهت بلدنا بنظامها ..
وكرهت مصر بحكامها ..
 
« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق