]]>
خواطر :
اسقيني كاس من رحيق ذكرى وجودك ... لا تتركيه يجف ،كلما جف الكأس ازداد الحنينُ...و لا يطفي شعلة الفؤاد سوى كأس الحنين...   (بلقسام حمدان العربي الإدريسي) . 

الحل الوحيد

بواسطة: الضمير  |  بتاريخ: 2012-12-29 ، الوقت: 21:02:46
  • تقييم المقالة:

بما ان الجميع يتكلم بأسم الشعب. فقد قررنا نحن جبهة هيس هيس لسه الشعب كويس .

على اثر الخلاف القائم على دستور البلاد , والناس اللي بتقول فيها لخفيها ,وقلة مندسة على الوطن قلبا وقالبا ..

فقد قررت جبهة هيس هيس لسه الشعب كويس الأتي :

قرار ديكتاتور رقم واحد .. نحضر كلا من ..

السيد حمدين صباحي, والسيد محمد البرادعي , والسيد عمرو زكي , عفوا اقصد السيد عمرو موسى وعشان جماهير الزمالك متزعلش هناخد عمرو زكي ,

والسيد سانح عاشور , والسيد زانن زيفه علينا الزند باشا .هو وابنه , وأي حد من علته عايز يجيبه معاه ,

والأعلامي المتألق اللي واخد كل شهاداته من المنيا الوسطى عكشه بيه ,

والفنان اللامع المتأنق المونولجست ابن النكته باسم يوسف وده طبعا عشان يطري عليهم القعدة

,والسيد مجلي الجلاد عشان الناس تفهم غصب عنها .

والسيدة نميس الحديدي وأقاربها التؤمان عمرو وعماد أنيب .

والسيدة تهالي الجبالي عشان لحد دلوقتي لسه ملقتش شغل مع ان في ناس بتقول انها نزلت اشتغلت في كنتاكي الثورة .

وبكده مش هيكون نقصنا غير الطرف الثالث . نجيب كام واحد من بتوع الحزب الواطي عفوا الوطني اللي هما شايفين شغلهم كويس ..

ونضع هذه القمم السابق ذكرهم جميعا في غرفة مغلقه , ونشكل منهم مجلس رئاسي واطي عفوا وطني , ونقلهم اعملولنا كمان دستور للبلاد باللمره ..

عشان الدستور الاخونجي اللي في السوق مسلوق ., واحنا ملناش في المسلوق .

أحنا عايزين كده دستور محصلش يدلع الشعب ..

ودي تبقى الحاله الوحيدة اللي ممكن يوفقو بيها على الدستور ..

وبكده يبقى الدستور توافقي عبر عن جميع طوائف الشعب , حتى الطرف التالت موجود عشان لو سبناه لوحده ممكن يولع في اي حاجه .

وأول ميخلصوا الشريط عفوا الدستور وينزل السوق , نروح احنا الشعب عملين ثورة جديده , ونشيل الناس دي زي مهما كده على المعتقلات على انهم نظام سابق ..

وبكده يبقى عندنا في السجن النظام السابق والمعرضه بتعته والشعب الحمدالله حر هو ده الحل الوحيد .
امضاء جبهة هيس هيس لسه الشعب كويس.....

 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق