]]>
خواطر :
شوهدت ذئاب على أطراف الوديان في فرائس تتحينُ ...مرت عليها البهائم وهي تتعجب... ردت الذئاب على البهائم ، لما العجبُ لولا الفرائسُ لما وُجدت الذئابُ...   (بلقسام حمدان العربي الإدريسي) . 

مركب النسيان

بواسطة: الضمير  |  بتاريخ: 2012-12-29 ، الوقت: 20:14:38
  • تقييم المقالة:

يامركب النسيان على فين مودينا ؟

ده العمر بيمر سنين ..

ولسه لا مشيتي ولا رسينا ..

مركب وقبطان والبحر تحتينا .. ورياح بتسري علي شراعك .. لجل تتقدمي بينا ..

أيه وقفك تاني ؟

كنا خلاص هنوصل بر أمانينا..

عصفت الريح فجأه على شراعك المنحوت على أدينا ..

وهاج البحر يقلبنا في بعضينا ..

أتغيرت مواقعنا ودوار البحر لعب بينا ..

واتهيألنا ان احنا وصلنا اراضينا ..

طلع النهار يكشفلنا ان احنا لا رحنا ولا جينا ..

شايف كام واحد هنا مسكين الدفة . .

ده يشاور هنا وده يقول لأ من هنا ..

وكام قبطان كمان ماسكين خريطه ده يقول هي دي أرضنا ..

وده يقول لأ احنا المفروض نرسى هنا ..

يامركب النسيان .. هو ده وقتنا ولا مهوش وقتنا ..

في كل حته ناس متجمعين هنا .. وناس متفرقين مننا ..

اصوات بتصرخ هناك وهنا ..

وجيه الليل يسحب يستفرض بنا .. ياخد معاه شويه بعضنا ومش كلنا ..

لا عمره فرق بين هناك ولا هنا ..

ياخد قطفنا ياخد زهرنا ..

ياخد قلوب واصوات كانت لسه هنا ..

وكل ليل له قصه لا ليها طعم ولا معنى ..

يامركب النسيان هو ده وقتنا ولا مهوش وقتنا ..

يامركب النسيان ..

الحلم بعيد عننا ولا مهوش من الأصل هنا ..

الوقت بيمر والسما شايفة همنا وجرحنا ..

شايفة الطوفان ينخور في جسم المركبة ..

شاهدة علينا السما في اللي فات من عمرنا ..

واللي باقي في وقتنا ..

ياترى ايه اللي مكتوبلنا ؟

ياترى القدر هيضحكلنا ؟

ولا هيجي اليوم اللي يضحك فيه على همنا ؟

يامركب النسيان ..

قومي وعدي بينا ..

قبل الطوفان ميكمل عللي باقي فينا ..

يامركب النسيان ..

الوقت بيضيع مننا ..لازم نجمع اللي راح هناك وراح هنا ...

نصلح نفوسنا . ونمشي المركبة ..

ترجع الدفة لسابق عهدها ..

يامركب النسيان ..

قومي وعدي بينا من هنا..

خلي الطوفان ينقش عليكي كنت هنا وخسرت امواجي العاتيه...

 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق