]]>
خواطر :
شوهدت ذئاب على أطراف الوديان في فرائس تتحينُ ...مرت عليها البهائم وهي تتعجب... ردت الذئاب على البهائم ، لما العجبُ لولا الفرائسُ لما وُجدت الذئابُ...   (بلقسام حمدان العربي الإدريسي) . 

** ( سيد الفئران ) **

بواسطة: عمرو ابراهيم سيد أحمد مليجي  |  بتاريخ: 2012-12-20 ، الوقت: 00:44:14
  • تقييم المقالة:

** ( سيد الفئران ) **

............................

عضمه ومسكها فار .. فار الغيطان سعران

كان بيته بين الشقوق .. والشق فـ القلب بان
بيقرض حبال الأمل .. أصله ضرير عمبان

صادوا فـ يوم مشئوم .. تعلب وكان فرحان

حبسوا فـ بيت القطط .. من غير بيبان وحيطان

وقال له هنا مطرحك .. وسابوا مع النسيان

والفار من فرحته .. عاش السنين برهان

يدخل بأمر سيده .. ويخرج من غير آوان

هيه الحكاية بايده .. ولا الزمان دهّان !!

طلع النهار من شقه .. عربد فـ كل مكان

بان السواد من قلبه .. صحى الهموم الوان

وقال : ودي حكمته .. واسمع كمان وكمان

انا فار ومن حكمتي .. بكره هكون انسان

عشت سنيني فـ قفص .. بنيته بايدي زمان

وكان سجاني غريمي .. وكلامي مش هزيان

والحكمه من راس سيدي .. انا سيد الفئران

انا شيخ مشايخ قفص .. وحياتي هنا عصيان

سألني في يوم سجاني .. ملكش يا فار اخوان

قلت له يا سيد الناس .. حبايبي في كل مكان

والبلد دي عضمتي .. لو حتى تكون بركان

وبكرة هشوفك مكاني .. وساعتها هكون سجان

وهعمل مـ الحبة قبة .. واصاحب كمان الجان

واوعى تنسى الكلام ده .. بكره الوليمه تبان

ولاهيهمني قطط .. ولا حتى اسود وحيتان
صدقت وعود الفار .. سجانه كان خيبان

سابه يقرض في حبله .. واداله كمان حِلوان

وقاله تعالى شاركني .. أصل الخروف تعبان

وساب له كل البلد .. وساب المكان غرقان

قامت حشود القطط .. خافت من الحيتان

صحت معاها اسد .. ثائر وكان غضبان

قال الحقيقة بقلم .. ان الفيران إخوان

خافت حشود الفار .. رجعت مكانها زمان

رجعت شقوق الغيط .. عرفت كده العنوان

عضمة ومسكها كلب .. كلب الخسيس جربان

العضمة خوف الولد .. لو عاش حياته جبان

والعضمة مش دي البلد .. دا بلدنا للجدعان

.....................................................

عمـــ المليجي ـــرو

مصــــر 18/12/2012

ِ


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق